35:14  fausses  calomnies,  que  nous  voyons  des  heretiques  semer  leur  poison  pour  tout  perdre:  voyans  toutes  ces  choses-la,  ie  vous  prie,  n'en  devons-nous  point  estre  touchez?  Il  est  dit  que  quand  on  se  dresse  ainsi  contre  Dieu,  c'est  autant  comme  si  on  le  navroit  mortellement.  Ils  sentiront,  dit-il  (Zach.  12,  10),  celuy  qu'ils  ont  perce:  Dieu  declare  qu'on  luy  vient  donner  des  coups  de  dague  :  et  cependant  il  ne  nous  en  chaudra?  Dieu  declare  que  son  Esprit  est  contriste,  et  comme  languissant  :  et  nous  n'en  ferons  que  rire?  Apres,  nous  orrons  ces  blasphemes  execrables,  que  le  nom  de  nostre  Seigneur  Iesus  sera  descire  par  pieces  :  il  n'est  question  que  de  mespris  auiourd'huy,  et  le  nom  de  Dieu  sera  en  opprobre,  tellement  que  si  on  estoit  entre  les  Turcs  on  en  auroit  honte:  nous  voyons  les  vilenies  qui  se  commettent,  d'un  coste  les  paillardises,  les  dissolutions,  d'autre  coste  les  outrages,  les  violences.  Bref,  on  voit  tout  estre  desborde  iusques  au  bout:  et  quand  nous  n'en  faisons  autre  conte,  declarons  -  nous  que  nous  soyons  enfans  de  Dieu  et  Chrestiens?  Quelle  approbation  donnonsnous  de  nostre  Chrestiente?  D'autant  plus  donc  nous  faut-il  adviser  d'avoir  un  autre  zele,  que  nous  n'avons  pas  eu  par  cy  devant:  et  quand  chacun  de  nous  sera  fasche,  que  ce  soit  a  cause  de  nos  pechez,  et  sur  tout  quand  nous  voyons  que  Dieu  est  griefvement  offense.  Voila  comme  nous  aurons  un  courroux  que  Dieu  approuvera,  comme  celuy  duquel  il  est  icy  parle,  et  que  le  S.  Esprit  loue.  Et  cependant  toutes  fois  d'autant  qu'il  nous  est  facile  de  decliner,  que  nous  ne  laschions  point  la  bride  a  nos  passions:  mais  que  nous  prions  Dieu  qu'il  nous  gouverne  tellement  par  son  sainct  Esprit,  que  nostre  zele  soit  du  tout  pur,  a  fin  qu'il  soit  approuve  de  luy.  Or  nous-nous  prosternerons  devant  la  face  de  nostre  bon  Dieu,  etc.