32:14  sedentem,  unde  opportune  iudicia  sua  differt.  Hoc  ergo  elogium  non  tantum  honoris  causa  ad  Dei  essentiam  refertur,  sed  ad  fidei  nostrae  fulturam:  ac  si  dictum  esset,  quamvis  in  terra  anxie  gemant  fideles  ac  trepident,  Deum  tamen,  qui  custos  est  vitae  ipsorum,  in  sublimi  manere  et  eos  protegere  virtute  aeterna.  10.  Quia  ecce  inimici  tui,  Iehova,  quia  ecce  inimici  tui  peribunt:  dissipabuntur  omnes  operarii  iniquitatis,  l  l  .  Et  attolles  quasi  unicornis  cornu  meum:  perfusus  sum  oleo  viridi.  12.  Et  videbit  oculus  meus  in  oppressoribus  meis:  in  iis  qui  insurgunt  contra  me,  in  iis  qui  me  inf  estant,  audient  aures  meae.  10.  (Quia  ecce  inimici.)  Infert  ex  proxima  sententia,  fieri  non  posse  quin  Deus  inimicos  suos  tandem  prosternat.  Unde  clarius  perspicimus  quod  nuper  docui,  non  alio  spectare  prophetae  consilium,  quam  ut  fidem  nostram  armet  contra  omnia  certamina:  praesertim  ut  scandalum  illud  avertat,  quum  multi  a  recta  via  exturbantur,  dum  impiorum  prosperitas  Dei  iudicium  obnubilat.  Sicut  autem  ardua  et  difficili  lucta  hic  opus  est,  vehementer  insistit  propheta  in  doctrinae  suae  confirmationem.  Emphatica  enim  est  tam  demonstratio,  quam  repetitio.  Primo  non  minus  secure  pronuntiat  perituros  esse  Dei  hostes,  ac  si  iam  ante  oculos  esset  eorum  interitus,  idque  secundo  confirmat,  unde  colligimus  quid  ei  profuerit  fidei  suae  intuitu  penetrare  ultra  mundum,  ut  oculos  ad  coeleste  Dei  solium  dirigeret.  Itaque  eius  exemplo  discamus,  quoties  fidem  nostram  concutit  impiorum  prosperitas,  in  coelum  consurgere:  quia  mox  fluet  haec  doctrina,  fieri  non  posse  ut  diu  in  prospero  statu  maneant  eius  hostes.  Simul  etiam  definit  propheta  quinam  sint  hostes  Dei.  Neque  enim  quemquam  gratis  odit,  imo  quatenus  eius  figmenta  sunt  homines,  paterno  eos  amore  complectitur.  Sed  quum  nihil  eius  naturae  magis  adversum  sit  quam  iniustitia,  sceleratis  omnibus  irreconciliabile  bellum  denuntiat.  Atque  hinc  non  vulgare  solatium  percipiunt  fideles,  dum  exitii  reproborum  haec  illis  causa  redditur,  quod  Deo  exosos  esse  necesse  est  qui  non  potest  se  ipsum  abnegare.  Et  propheta  etiam  paulo  post  declarat  hunc  sibi  propositum  fuisse  finem,  ut  hac  spe  mala  omnia,  dolores,  curas,  anxietates  et  molestias  leniret.  Porro  sub  olei  figura  designat  se  fruiturum  Dei  benedictionibus,  et  oleum  viride  nominat  recens,  quod  emarcidum  non  est,  nec  vetustate  obsolevit.  Notatu  etiam  dignum  est,  quod  proprie  gratiam  Dei  piis  omnibus  communem  in  suum  usum  accommodat.  Hoc  autem  modo  significat  frigere  generalem  doctrinam,  nisi  unusquisque  nostrum,  se  unum  esse  ex  filiis  Dei  persuasus,  ad  eam  participandam  adspiret.  Tandem,  utcunque  molesti  sint  hostes,  et