31:14  14  IEHAN  CALVIN  AUX  FIDELES  ET  DEBONNAIRES  LECTEURS,  SALUT.  Si  la  lecture  de  ces  miens  Commentaires  apporte  aussi  grand  avancement  a  l'Eglise  de  Dieu  comme  i'y  ay  senti  de  proufit  en  mon  endroit  en  les  escrivant,  ie  n'auray  point  d'occasion  de  me  repentir  d'avoir  entreprins  ce  labeur  :  combien  qu'ayant  expose  yci  en  nostre  petite  eschole  le  livre  des  Pseaumes  trois  ans  auparavant,  ie  pensoye  m'estre  suffisamment  acquitte  par  ce  moyen,  et  avoye  delibere  de  ne  publier  point  plus  loin  ce  que  i'avoye  traitte  priveement  entre  ceux  avec  lesquels  ie  converse.  Et  de  faict,  avant  que  i'entreprinsse  d'exposer  ce  livre  en  mes  lecons  a  la  requeste  de  mes  freres,  i'avoye  dit  (ce  qui  estoit  vray)  que  ie  m'en  deportoye,  pour  autant  que  Martin  Bucer  tresfidele  docteur  de  l'Eglise  de  Dieu  y  avoit  besongne  en  tel  scavoir,  diligence  et  fidelite,  et  si  bien  rencontre,  que  pour  le  moins  il  n'estoit  pas  si  requis  que  i'y  misse  la  main.  Et  quant  aux  Commentaires  de  Wolphgangus  Musculus,  si  lors  ils  eussent  desia  este  mis  en  lumiere,  ie  n'eusse  pas  voulu  oublier  a  en  faire  mention  par  mesme  moyen,  veu  que  luy  aussi,  au  iugement  des  gens  de  bien,  a  acquis  grand'  louange  en  cest  endroit  par  sa  diligence  et  industrie.  Or  n'estoy-ie  pas  encore  venu  a  la  fin  du  livre,  que  me  voyci  solicite  par  nouvelles  prieres,  que  ie  ne  permisso  point  que  mes  lectures  lesquelles  certains  personnages  avoyent  recueillies  proprement  et  fidelement,  non  sans  grand  labeur,  veinssent  a  estre  perdues.  De  moy,  ie  persiste  en  mon  propos,  promettant  seulement  ce  que  de  long  temps  i'avoye  eu  en  fantasie  T  ascavoir  quo  i'y  escriroye  quelque  chose  en  Langue  Francoise,  afin  que  les  gens  de  nostre  nation  ne  fussent  desprouveus  d'aide,  pour  bien  entendre  un  livre  si  utile  en  le  lisant.  Quand  ie  veux  commencer  a  y  besongner,  soudain  contre