28:14  raison  le  salut  de  leurs  ames,  et  mesmes  de  ceux  qui  sont  excommuniez  et  reiettez  de  l'Eglise  :  comme  S.  Paul  dit.  De  les  cercher,  nous  ne  le  devons  pas  faire  :  car  ce  seroit  nous  insecter  de  leurs  pollutions,  et  nous  rendre  leurs  complices:  nous  les  devons  plustost  avoir  en  detestation  et  en  horreur,  comme  notamment  il  nous  est  commande.  Mais  cependant  si  est-ce  que  nous  sommes  tousiours  tenus  a  les  secourir  au  besoin,  et  a  eviter  leur  dommage.  Voila  ou  nostre  Seigneur  nous  contraint.  Et  ainsi  notons  bien,  que  sous  la  Loy  il  n'a  iamais  este  licite  d'exercer  inimitie:  voire,  combien  qu'on  eust  des  ennemis,  si  n'a-il  iamais  este  permis  de  cercher  vengeance.  Or  si  ie  suis  tenu  de  secourir  a  l'asne,  et  au  cheval  de  mon  ennemi,  que  doy-ie  a  sa  personne?  seray-ie  exempte  envers  luy,  quand  ie  suis  oblige  envers  son  bestial  ?  On  sait  bien  que  non.  Et  en  cela  voyons  nous  la  bestise  qui  a  este,  et  est  encores  en  la  Papaute.  Car  les  docteurs  subtils  disent,  que  de  bien  faire  a  son  ennemi,  ce  n'est  pas  un  commandement  de  Dieu,  que  ce  n'est  qu'un  conseil  que  donne  nostre  Seigneur  Iesus  Christ.  Et  voila  sur  quoy  ils  se  fondent  :  Comment?  C'est  une  chose  trop  difficile,  que  nous  ayons  le  courage  de  bien  faire  a  ceux  qui  nous  haissent  et  qui  nous  persecutent.  Il  faut  donc  conclure  que  Dieu  ne  nous  a  point  commande  cela  :  car  il  seroit  trop  rigoreux.  Si  Iesus  Christ  le  conseille:  et  bien,  c'est  une  perfection  :  mais  tant  y  a  que  nous  n'y  sommes  tenus.  Et  la  dessus  ils  ont  dit,  qu'il  n'y  a  que  les  Moynes,  qui  sont  en  estat  Angelique,  qui  soyent  obligez  a  cela:  voire,  qui  sont  les  plus  vindicatifs  du  monde  neantmoins.  Cependant  il  n'y  a  que  pour  les  Moynes  d'avoir  une  telle  perfection  et  que  de  nous,  qui  ne  sommes  que  gens  laics,  pour  estre  Chrestiens  (disent-ils)  c'est  assez  que  nous  prenions  cela  pour  conseil  :  que  nous  y  tendions,  sans  toutesfois  penser  que  nous  soyons  coulpables  de  peche  mortel,  quand  nous  ne  l'aurons  point  fait.  Il  est  vray  qu'ils  diront  bien,  que  nous  ne  devons  point  hair  personne:  mais  que  nous  soyons  tenus  d'aimer  nos  ennemis,  de  bien  faire  a  ceux  qui  procurent  nostre  dommage:  non:  ils  ne  peuvent  digerer  ce  mot-la.  Et  pourquoy?  Car  ils  sont  preoccupez  de  ceste  imagination  diabolique,  que  Dieu  ne  commande  rien  qui  ne  soit  possible  aux  hommes  :  et  font  la  comme  un  contrepois  ou  une  balance  du  fran  c-arbitre,  et  de  tous  les  commandemens  de  Dieu.  Qu'ils  regardent:  Ne  pouvons-nous  point  cela?  Dieu  donc  ne  l'a  point  commande,  et  ne  le  doit  point  faire:  et  ce  seroit  exceder  mesure,  s'il  l'avoit  fait.  Voire,  comme  si  Dieu  avoit  perdu  son  droict,  quand  nous  serons  si  corrompus  et  pervers  de  ne  pouvoir  accomplir  ce  qu'il  a  ordonne.  Et  ou  seroit-ce  aller?  Si  un  homme  me  doit  quelque  argent,  et  que  par  son  mauvais  mesnage  il  dissipe  tout:  assavoir  s'il  est  quitte  et  affranchi  pour  avoir  ainsi  gourmande  et  le  sien  et  le  mien?  Il  est  certain  que  non.  Or