27:14  portee  par  les  enfans  de  Levi.  Et  voila  pourquoy  il  recite  au  peuple  que  les  enfans  d'Israel  partirent  d'un  lieu  a  l'autre,  iusques  a  ce  qu'ils  vindrent  en  jBeroth,  ou  Aaron  mourut:  et  qu'alors  Dieu  separa  Ies  Levites.  Or  il  est  vray  que  l'histoire  de  prime  face  semble  confuse:  caril  dit:  Les  enfans  d'Israel  partirent  de  Beroth,  des  enfans  de  Iaacan  en  Mosera,  c'est  a  dire  en  ce  lieu  de  la  montangne  d'Hor  ou  Aaron  mourut.  Et  il  semble  ici  que  Moyse  vueille  dire  qu'Aaron  mourut  tantost  apres  que  Dieu  eust  renouvelle  les  deux  tables.  Or  il  y  eut  quarante  ans  a  dire:  car  Aaron  mourut  comme  le  peuple  avoit  acheve  son  terme,  d'autant  que  Dieu  l'avoit  banni  de  la  terre  promise  par  l'espace  de  quarante  ans:  le  terme  est  acheve:  Aaron  alors  est  despouille  de  la  dignite  sacerdotale,  et  Eleazar  son  fils  est  constitue  sacrificateur  en  son  lieu:  mais  Moyse  comprend  ici  tout  ce  qui  a  este  fait  par  l'espace  de  quarante  ans,  depuis  que  la  Loy  fut  publiee,  iusques  a  ce  iour-la  qu'il  exhortoit  le  peuple,  afin  qu'il  fust  mieux  appareille  pour  entrer  en  son  heritage,  qu'il  n'avoit  point  este  du  commencement.  Il  dit,  combien  qu'il  y  eust  eu  des  changemens  qui  seroyent  advenus:  tant  y  a  que  Dieu  a  proveu  en  somme,  que  sa  Loy  fust  tousiours  prisee,  qu'elle  fust  tenue  honorable,  et  qu'on  cogneust  que  sa  maieste  estoit  la,  et  qu'il  se  falloit  humilier  sous  icelle.  Et  pour  ceste  cause  (dit-il)  il  a  choisi  les  enfans  de  Levi,  nonobstant  le  peche  d'Aaron.  Car  pourquoy  est-ce  que  Moyse  parle  ici  de  la  mort  de  son  frere?  C'est  afin  qu'on  cognoisse  que  Dieu  a  use  de  grace  envers  la  lignee  de  Levi,  aussi  bien  qu'envers  tout  Ie  reste  du  peuple.  La  lignee  de  Levi  estoit  choisie  pour  la  sacrificature,  c'estoit  un  privilege  que  Dieu  leur  donnoit.  Et  en  estoyent-ils  dignes?  se  pouvoyent-ils  vanter  d'avoir  mieux  vallu  que  leurs  freres?  Il  est  vray  qu'ils  ont  fait  la  vengeance  de  l'idolatrie,  et  faut  que  Moyse  les  appelle  avec  soy,  et  leur  commande  de  sanctifier  leurs  mains.  Il  vous  faut  consacrer  vos  mains  au  Seigneur:  et  enquoy?  En  tuant  ceux  qui  ont  si  griefvement  offense,  qui  ont  este  cause  que  tout  a  este  perverti.  Il  faut  donc  que  vous  desployez  auiourd'huy  ce  zele  que  vous  avez  a.  maintenir  l'honneur  de  Dieu,  et  a  sanctifier  son  nom,  que  vous  n'espargniez  point  vos  propres  freres,  ne  vos  plus  prochains,  quand  ils  ont  ainsi  perverti  le  nom  de  Dieu  entant  qu'en  eux  estoit:  il  faut  que  tout  cela  soit  extermine.  Les  enfans  de  Levi  ont  bien  execute  ce  que  Moyse  leur  commandoit:  mais  si  est-ce  que  le  principal  sacrificateur  Aaron  a  forge  le  veau  d'or.  Il  est  vray  qu'il  y  a  resiste,  pour  le  moins  il  n'y  a  point  consenti:  mais  si  est-ce  qu'il  a  flechi  quand  il  a  voulu  condescendre  a  l'importunite  du  peuple:  et  il  faut  qu'il  en  porte  la  peine,  que  Dieu  luy  declaire:  Tu  n'entreras  point