23:14  14  coeli.  21.  Et  creavit  Deus  cetos  magnos,  et  omnem  animam  viventem,  repentem,  quam  repere  fecerunt  aquae  iuxta  species  suas,  et  omne  volatile  alatum  secundum  speciem  cuiusque.2)  Et  vidit  Deus  quod  esset  bonum.  22.  Benedixitque  eis,  dicendo:  Crescite,  et  multiplicate  vos,  et  replete  aquas  in  maribus^  et  volatile  multiplicet  se  in  terra.  23.  Et  fuit  vespera,  et  fuit  mane  dies  quintus.  24.  Postea  dixit  Deus:  Producat  terra  animam  viventem  secundum  speciem  suam,  iumentum,  et  reptile,  et  bestias  terrae  secundum  speciem  suam.  Et  fuit  ita.  25.  Fecitque  Deus  bestiam  terrae  secundum  speciem  suam,  et  iumentum  secundum  speciem  suam,  et  omne  reptile  terrae  secundum  speciem  suam,  et  vidit  Deus  quod  esset  bonum.  26.  Et  dixit  Deus:  Faciamus  hominem  in  imagine  nostra,  secundum  similitudinem  nostram  :  et  dominetur  piscibus  maris,  et  volatili  coeli,  et  iumento,  et  omni  terrae,  et  omni  reptili  reptanti  super  terram.  21.  Creavit  itaque  Deus  hominem  ad  imaginem  suam:  ad  imaginem  (inquam)  Dei  creavit  illum:  masculum  et  feminam  creavit  eos.  28.  Et  benedixit  illis  Deus,  dixitque  ad  eos  Deus:  Crescite  et  multiplicate  vos,  et  repide  terram  et  subiicite  eam,  et  dominemini  piscibus  maris,  et  volatili  coelis  et  omni  bestiae  reptanti  super  terram.  29.  Et  dixit  Deus:  Ecce,  dedi  vobis  omnem  herbam  seminificantem  semen,  quae  est  in  superficie  universae  terrae,  et  omnem  arborem  in  qua  est  fructus  arboris  seminificans  semen:  ut  vobis  sit  in  escam.  30.  Et  omni  bestiae  terrae,  et  omni  volatili  coeli,  et  omni  reptanti  super  terram  in  quo  est  anima  vivens,  omne  olus  herbae  erit  in  escam.  Et  fuit  ita.  31.  Et  vidit  Deus  omne  quod  fecerat,  et  ecce  bonum  valde.  Et  fuit  vespera,  et  fuit  mane  dies  sextus.  1.  In  principio.  Nomen  principii  de  Christo  exponere  nimis  frivolum  est.  Simpliciter  enim  hoc  voluit  Moses:  non  statim  ab  initio  expolitum  fuisse  mundum,  ut  hodie  cernitur,  sed  inane  coeli  et  terrae  chaos  fuisse  creatum.  Itaque  sic  resolvi  posset  oratio:  Quum  Deus  principio  coelum  et  terram  creavit,  erat  terra  inanis  et  vacua.  Porro  creandi  verbo  factum  esse  docet  quod  prius  non  erat.  Neque  1)  Ed.  princeps  :  unumquodque  secundum  speciem  suam.