20:14  de  Beauvays  5)  l'aiant  veue  eut  bien  desire  quelle  eust  este  signee.  Mais  ni  Madame  de  Boye  ni  Monsieur  de  Soubise  ne  vous  la  peurent  faire  tenir.  En  la  fin  je  la  vous  envoyay  par  ung  pouvre  garcon,  mais  il  arriva  trop  tard.  Ainsi  ceste  occasion  est  passee,  combien  quil6)  me  semble  que  la  dite  confession  ne  seroit  pas  encore  hors  de  saison,  mais  qu'elle  apporteroit  grand  fruict,  tant  dedans  le  Royaulme  que  dehors.  Au  reste  il  faudroit  aviser  de  changer  la  preface,  et  au  lieu  qu'elle  s'adressoit  a  l'empereur,  quelle  fut  generalle,  sans  aussi  specifier  ce  qui  concerne  le  fait  de  la  guerre.  Si  tel  changement  vous  venoit  a  gre  ie  me  suis  ingere  de  vous  advertir  par  quel  bout  il  seroit  bon  de  commencer,  comme  vous  le  verres  sur  la  coppie  que  je  vous  envoye.  Si  vous  aimies  mieulx  la  laisser  telle  qu'elle  est,  il  seroit  besoin  de  faire  ung  brief  advertissement  pour  servir  d'excuse  de  ce  qu'elle  na  point  este  produitte  en  temps  et  lieu.  Quant  est  du  prouffit  qui  en  pourroit  venir,  j'en  toucheray  deulx  motz.  Vous  scaves,  Monseigneur  cela6)  donnera  gout  a  beaucoup  de  povres  ignorans  pour  avoir  la  patience  de  lire  ce  qu'ilz  reiecteroient  autrement.  Ainsi  ce  sera  ung  moien  divin  pour  gaigner  ung  nombre  infini  de  gens.  Mais  on  en  peut  esperer  encore  plus  grand  fruict  hors  du  Royaume,  d'autant  que  beaucoup  d'Allemans  qui  sont  alienes  des  Francois  pour  la  matiere  de  la  Cene,  ne  se  tiendront  point  d'y  mettre  le  nez  soubz  ombre  de  vostre  nom.  Cependant  cela  sera  pour  vous  acquerir  tant  plus  de  faveur.  Outre  plus,  il  vous  faut  prevenir  ung  danger  lequel  vous  aves  desia  peu  sentir  en  partie,  c'est  quon  ne  cessera  de  vous  tendre  des  files  pour  vous  envelopper  en  la  confession  d'Auspourg,  qui  nest  ni  chair  ni  poisson,  et  est  cause  de  grandz  schismes  et  desbatz  entre  les  Allemans.  Or,  Monseigneur,  ayant  fait  une  telle  declaration,  vous  auriez  ferme  la  porte  a  touttes  les  poursuittes  qu'on  vous  scauroit  faire,  aiant  tousiours  ce  mot  de  replique  que  vous  ne  pouves  pas  retracter  la  Confession  par  vous  faicte  et  publiee,  s'il  ne  vous  est  montre  pourquoy.  Je  ne  protesteray  point  que  je  ne  cherche  icy  que  la  gloire  de  Dieu,  le  bien  commung  de  son  Eglise,  et  mesmes  vostre  honneur,  pource  que  je  ne  pense  point  que  vous  m'avez  en  reputation  dhomme  qui  regarde  a  soy.  Ainsi  i'attendray  vostre  responce  pour  entendre  vostre  bon  plaisir,  afin  d'obeir  a  ce  que  vous  commanderes.  Pour  ce  aussi,  que  jay  entendu,  Monseigneur,  quon  traicte  de  quelque  alliance  ou  les  Suisses  sont  compris,7)  je  vous  prie  pour  le  bien  du  Roy  5)  Odet  de  Chatillon,  cardinal,  frere  de  Coligny.  6)  Mot  ecrit  de  la  main  de  Calvin.  7)  A  cette  epoque  Catherine  de  Medicis  voulait  se  rap-