2:14  Deum,  et  quem  ille  misit  Iesum  Christum  (Ioann,  17,  3).  Propter  hanc  spem  alii  nostrum  vinculis  constringuntur,  alii  virgis  caeduntur,  alii  in  ludibrium  circumducuntur,  alii  proscribuntur,  alii  saevissime  torquentur,  alii  fuga  elabuntur;  omnes  rerum  angustia  premimur,  diris  exsecrationibus  devovemur,  maledictis  laceramur,  indignissimis  modis  tractamur.  Intuere  iam  in  adversarios  nostros  (de  ordine  sacrificorum  loquor,  quorum  nutu  ei  arbitrio  alii  nobiscum  inimicitias  exercent)  et  mecum  paulisper  reputa  quo  studio  ferantur.  Veram  religionem,  quae  scripturis  tradita  est,  ≪quaeque  inter  omnes  constare  debuerat,  facile  et  sibi  et  aliis  ignorare,  negligere,  despicere  permittunt;  parumque  referre  putant  quid  quisque  de  Deo  et  Christo  teneat,  vel  non  teneat,  modo  implicita,  ut  aiunt,  fide  suam  mentem  ecclesiae  iudicio  submittat.  Nec  valde  afficiuntur  si  Dei  gloriam  manifestis  blasphemiis  pollui  contingat,  modo  ne  quis  adversus  sedis  apostolicae  primatum  et  sanctae  matris  ecclesiae  autoritatem  digitum  tollat.  Cur  ergo  tanta  saevitia  et  acerbitate  pro  missa,  purgatorio,  peregrinationibus  et  id  genus  nugis  belligerantur,  ut  sine  eorum  explicatissima,  ut  ita  dicam,  fide  salvam  fore  pietatem  negent,  quum  tamen  nihil  eorum  a  verbo  Dei  esse  probent?  Cur?  nisi  quia  illis  Deus  venter  est,  culina  religio:  quibus  sublatis,  non  modo  non  Christianos,  sed  ne  homines  quidem  futuros  se  credunt?  Tametsi  enim  alii  splendide  se  ingurgitant,  alii  tenuibus  crustulis  victitant,  omnes  tamen  ex  eadem  vivunt  olla,  quae  sine  illis  fomentis  non  frigeret  modo,  sed  penitus  conglaciaret.  Ideo  ut  quisque  eorum  pro  ventre  est  maxime  sollicitus,  ita  pro  sua  fide  deprehenditur  bellator  acerrimus.  JDenique  huc  ad  unum  omnes  incumbunt,  vel  ut  regnum  incolume,  vel  ut  ventrem  confertum  retineant;  nemo  vel  minimam  sinceri  zeli  dat  significationem.  Nec  sic  tamen  desinunt  doctrinam  nostram  incessere  et  quibus  possunt  nominibus  criminari  et  infamare,  quo  vel  invisam  vel  suspectam  reddant.  Novam  appellant  et  nuper  natam,  dubiam  esse  et  incertam  cavillantur;  rogant  quibus  confirmata  sit  miraculis;  quaerunt  an  sit  aequum  ut  contra  tot  sanctorum  patrum  con-