19:14  3547.  VERMILIUS  CALVINO.  De  colloquio  iam  nihil  boni  exspectandum.  (Ex  Petri  Martyris  Epp.  impressis  ad  calcem  Locc.  theol.  ed.  1580,  fol.  581,  ed.  1587,  p.  1141.)  Verebar  eas  literas  *)  intercidisse  quas  ad  te  dedi  quum  primum  huc  appuli:  sed  video  tibi  redditas  quum  humanissime  respondens.2)  Quomodo  res  nostrae  hic  habeant,  multis  non  arbitror  tibi  significandum,  quod  Beza  suis  ad  te  literis  omnia  comprehendat  quae  sunt  scitu  digna.  De  successu  autem  in  posterum  quid  boni  mihi  pollicear  non  habeo,3)  sed  prorsus  despero  scholasticos  et  pseudoecclesiasticos  nobiscum  esse  consensuros.  Habuimus  colloquutores  admodum  placidos  et,  ut  prae  se  ferunt,  a  nobis  minime  abhorrentes.  Verum  cardinalibus,  episcopis  et  doctoribus  ingrati  sunt  et  ut  suspecti  haereseos  accusantur.  Hodie  in  cornutorum  consessu4)  Poyssiaci  se  purgant  et  causam  dicunt.  Fratrum  consilium  est  ut  cum  adversariis  tam  leniter  et  mansuete  agamus  ut  nullam  videamur  causam  abrumpendi  colloquii  dedisse.5)  At  verendum  est  ne  patientia  ex  lenitate  nostra  impudenter  abutantur.  Qui  rebus  praesunt6)  aliquod  INTERIM  videntur  meditari,  ac  religionem  quum  ex  papistica  tum  ex  Lutherana  velle  conflare.  Faex  papistarum  nollet  illud  subire  onus:  id  enim  unice  student  ne  de  suo  pestifero  instituto  quidquam  mutetur,  sed  nostras  ecclesias  eo  vellent  gravari,  si  eis  aliqua  libertas  concedatur.  At  regina  utramque  partem,  nos  inquam  et  illos,  iisdem  et  decretis  et  edictis  involvet.  Ego,  quum  sinceriter  ac  pure  instaurandae  religionis  consilia  dederim,  amplius  non  accersor,  7)  nec  illa  vel  consilium  vel  institutionem  a  me  ullam  postulat.  In  summa,  Dei  providentia  una  est  ex  qua  multa  speranda  sunt:  ex  carne  vero  aut  brachio  potentum  aut  parum  aut  nihil  exspecto.  3547.1)  N.  3516.  2)  Calvini  ep.  non  exstat.  3)  Neque  Beza  habebat.  (  Vide  praecederent.)  4)  Vide  sequentem.  5)  Frustra  ita  sibi  cavebant  quum  praelati  consensum  fieri  nollent.  6)  Regina  mater  et  Navarrenus  politicis  rationibus  permoti'  Languet  Epp.  II.  141:  Quid  de  Regina  vidua  dicam  vix  scio,  nisi  quod  non  dubito,  quocunque  se  fortuna  inclinet  hoc  ei  praecipue  esse  curae  ut  regnet,  nec  puto  eam  propter  pontificios  aut  propter  Lutheranos  fortunas  suas  in  discrimen  coniecturam.  7)  Vide  nuper  am  Martyris  ad  Bullingerum  versus  finem.  Languet  L  h:  P.  Martyr  aliquoties  cum  Regina  est  colloquutus.  Is  quidem  est  prudentissimus,  sed  ipsa  etiam  est  Florentina.