13:14  amplissimas.  Quum  mihi  primum  redditae  essent,  non  satis  assequebar  quorsum  quaedam  spectarent  quorum  me  admonebas.  Sed  postquam  has  nobis  vidi  turbas  excitatas,  satis  subodoratus  sum,  te  non  abs  re  ea  scripsisse,  et  non  defuisse  malevolorum  opera  apud  vos  sparsas  de  nobis  sinistras  suspiciones.  Sed  tempus  declarabit  qui  fuerint  atque  etiamnum  sint  sinceriores  Christi  ministri.  Dominus  Iesus  te  diu  servet  suae  ecclesiae  incolumem.  Vale.  Lausannae  2o.  Iulii  1548.  Tuus  ex  animo  Petrus  Viretus.  1052.  HALLERUS  CALVINO.  Bullingeri  literas  Lutetiam  mittendas  ei  tradit.  Musculi  laudes,  quem  Bernam  accersi  cupit,  in  magnum  ecclesiae  commodum  cuius  paci  ipee  quoque  omnem  curam  impendit  stabiliendae.  (Ex  autographo  cod.  Genev.  114,  foh  33.)  Praestantissimo  viro  D.  Ioanni  Calvino  Genevensis  ecclesiae  fidelissimo  antistiti  domino  et  fratri  suo  colendissimo.  S.  Denuo  tibi  molestus  esse  cogor,  vir  excellentissime  et  colendissime  frater.  Mitto  enim  hic  literas  a  D.  Bullingero  ad  me  missas,  quas  ille  Lutetiam  destinari  cupit.  Quum  vero  rarius  apud  nos  certi  sint  nuncii,  visum  est  mihi  eas  ad  te  mittere,  maxime  quum  et  alias  ad  te  pertinentes  ab  eodem  acceperim.  Mihi  ergo  et  illi  hac  in  parte  inservias  oro.  Quomodo  se  habeat  ecclesia  nostra  non  dubito  quin  mireris  sollicite.  Anxie  laboravi  pro  Musculo  nostro  ut  ille  vocaretur  huc.  *)  Cuperem  enim  ei  denuo  coniungi,  scioque  illum  quoque  hoc  expetere,  quantum  quidem  ex  ipsius  literis  intelligo.  Laboravit  etiam  hoc  in  negotio  dilectus  meus  pater  D.  Bullingerus.  Sed  quid  effecturi  simus  ignoro.  Certe  hactenus  nihil  efferimus.  Suspectus  est  qui-  1052.  1)  Musculus  Halleri  collega  fuerat  Augustae.  Cf.  N.  1046  not.  4.  .  Mense  Iulio  coepta  est  agitari  causa  Musculi.  Non  dubitavi  ipsum  senatui  nostro  commendare.  Sed  quoniam  scripta  illius  in  Matthaeum  videbantur  nonnullis  esse  duriuscula,  et  resipere  quoque  Bucerianismum,  impetrari  tum  non  potuit  ut  accerseretur.  Is  itaque  Tiguri  interea,  Basileae,  Constantiae  et  Sangalli  vitam  aliquamdiu  traxit.  (Halleri  Ephem.  in  Mus.  Bern.  V.  p.  80).