12:14  quisquiliis  metuendum?  Annon  potius  voluptati  esse  debet,  quod  ab  iis  solis  improbor  quorum  vel  iudicium  vel  malignitatem  pro  nihilo  duco,  sicuti  par  est?  Utinam  cum  homine  vel  gravi  et  moderato  negotium  mihi  esset,  vel  saltem  compositi  cerebri,  et  qui  sanis  consiliis  ausculiaret.  Iam  inter  nos  res  fuisset  transacta,  neque  vobis  cogerer  molestus  esse.  Verum  quid  facerem?  Quacunque  illum  ratione  aggrediar  operam  lusero.  Haec  causa  est  cur  ad  eum  scribere  supersedeam,  quum  eum6)  silentio  meo  gloriari  malo  quum  eius  importunitati  indulgendo  cum  eo  delirare.  Verum  ne  sibi  non  fuisse  dictum  causetur,  denuncio  in  tempore,  ne  stultitiam  suam  magis  ac  magis  prodat.  Ego  nisi  eius  honori  consultum  vellem,  nunquam  id  suaderem.  Si  quis  ex  papistis  tam  insulso  more  me  impeteret,  pro  vocarem  ac  lacesserem,  ut  in  medium  prodiret.  Quid  enim  magis  expetendum  quam  ut  pietatis  hostes  omnium  se  ludibrio  exponant?  Neque  vero  responso  dignarer.  Quid  enim  opus  esset?  Nam6)  non  me  latet  quantum  sibi  blandiatur  hic  vester,  praesertim  tam  praeclaro  ingenii  sui  specimine  edito.  Videre  mihi  videor  ipsum  protensa  lingua  genas  lambentem,  fricantem  humeros,  iactantem  caput,  os  oculosque  torquentem,  collum  oblongum  proferentem,  denique  toto  illo  thrasonico  gestu  exsultabundum,  quem  prae  se  ferre  solet  quum  sibi  triumphum  de  nihilo  canit.  Atque  id  est  quod  iam  dixi,  a  rescribendo  me  ideo  abstinere,  quod  nihil  me  profecturum  apud  eiusmodi  hominem  confidam.  Si  utrumque  sibi  contumeliosum  existimat,  et  quod  a  me  praeteritur,  et  quod  minus  honorifice  de  ipso  apud  vos  loquor,  perinde  accipiat  ut  volet:  modo  ne  quidquam  praeter  officium  aut  aequitatem  me  fecisse  iure  conqueratur.  Condonare  certe  mihi  debet,  si  illius  voluntati  morem  hac  in  parte  non  geram.  Petulanter  maledictis  certare  non  est  meum.  Huc  autem  me  provocat.  Atqui  hoc  consilio  scripserat  ut  inter  nos  placide  ultro  citroque  privatis  epistolis  velitaremur.  Quid  se  optare  dicat,  nihil  moror.  Rem  ipsam  mecum  paulisper  expendite  ac  inde7)  aestimate  quo  animo  me  lacessiverit.  Postquam  mihi  inscitiam,  hallucinationes,  caecitatem  obiecit,  postquam  dixit  me  perinde  ineptire  ac  si  oleum  nunquam  vidissem,  turpiter  desipere,  ut  nemo  eius  opinione  adeo  desipuerit,  non  contentus  hac  maledicendi  insolentia  altius  evehitur.8)  Non  enim  tantum  me  imposturis  et  strophis  ludere  9)  ait,  sed  5)  Sic  G.  T.  B.  S.  omnino  probandi.  N.  habent:  enim.  6)  Etsi  G.  T.  B.  At  si  (?)  S.  7)  idem  T.  B.  itidem  S.  8)  Talia  in  Capunculi  ep.  N.  590  non  leguntur  verbo  tenus,  sed  magis  tecte  ita  ut  nostrum  nimium  fuisse  in  criminando  vix  dixeris.  9)  laedere  T.  B.  S.