10.1:14  rolle  de  Dieu,  lesquelz  commissavres  auecq  le  conseil  desdicts  ministres  feront  premierement  ordonnances  des  cas  suruenans  communement,  selon  lesquelles  ils  auront  a  juger.  Ce  neantmoins  apres  vous  les  auoyr  presentees,  pour  estre  approuuees  de  par  vous  deuant  que  proceder  en  auant.  Maintenant,  nous  treshonnores  seigneurs,  nous  vous  supplions  affectueusement  tous  dung  accord  et  prions  au  nom  de  Dieu,  si  vous  voyes  que  ces  aduertissemans  et  exhortations  soyent  vrayement  de  la  parolle  de  Dieu,  ne  les  prendre  poent  comme  de  nous,  mays  comme  de  celluy  dont  elles  procedent,  pareillement  considerer  de  quelle  jmportance  et  consequence  elles  sont  a  entretenir  en  son  estat  lhonneur  de  Dieu  et  conseruer  lesglise  en  son  entier.  Lesquelles  considerations  feront  que  ne  vous  espargneres  a  mettre  en  exequution  diligemment  ce  que  verrez  non  seulement  estre  de  vostre  office,  mays  aussi  tant  necessayre  a  entretenir  vostre  peuple  en  bonne  police.  Et  ne  vous  doyt  esmouuoyr  la  difficulte  que  aulcun  porroyt  alleguer  estre  en  ces  choses.  Car  nous  debuons  auoyr  ceste  esperance,  quant  nous  nous  offrons  de  suiure  ce  qui  nous  az  este  ordonne  de  Dieu,  que  de  sa  bonte  il  fera  prosperer  et  conduira  a  bonne  fin  nostre  entreprinse,  comme  vous  mesmes  aues  asses  experimente  jusques  jcy  en  tous  les  afferes  ou  le  Seigneur  vous  az  faict  ceste  grace  de  chercher  sa  gloyre:  jl  vous  assiste  par  sa  puissance  pour  mener  tout  a  bonne  yssue.*)  1)  Au  dos  de  la  piece  se  trouve  ecrite  la  note  suivante:  La  cene  demeure  a  quattres  fois  l'annee.  Le  baptesme  tous  les  jours.