8:139  139  ADVERTISSEMENT.  Nous  avons  icy  insere,  amy  lecteur,  une  Conclusion  fort  propre  a  la  matiere  precedente:  non  point  que  la  dite  conclusion  ait  este  prononcee  en  la  susdite  congregation:  mais  ayant  este  extraite  tant  de  l'Escriture  saincte  que  des  docteurs  anciens,  elle  pourra  servir  de  confirmation  a  ceux  qui  desirent  de  profiter  en  ceste  saincte  doctrine.  [page  115]  Sainct  Augustin  au  livre  intitule:  du  Bien  de  perseverance:  Ceux  qui  nous  contrarient,  ditil,  alleguent  que  la  doctrine  de  la  Predestination  empesche  que  la  predication  ne  profite.  Comme  si  elle  eust  empesche  V  Apostre  sainct  Paul  a  faire  son  office,  lequel  a  enseigne  la  Predestination  en  plusieurs  passages  et  ri  a  pas  laisse  de  prescher  l'Evangile  pourtant  Item:  Comme  il  faut  que  Dieu  nous  donne  de  bien  exhorter  et  prescher,  aussi  il  n'y  a  que  ceux  qui  mit  receu  le  don,  qui  nous  oyent:  pourtant  le  Seigneur  dit:  Qui  a  oreilles  pour  ouyr,  qu'il  oy  e,  etc.  Nous  preschons  doncques,  mais  ceux  qui  ont  des  oreilles  pour  ouir,  nous  oyent  paisiblement:  mais  en  ceux  qui  ne  les  ont  point  ceste  sentence  est  accomplie,  qu'en  oyant,  ils  n'oyent  goutte:  car  ils  oyent  du  sens  corporel,  non  pas  du  consentement  de  leur  coeur.  Or  pourquoy  les  uns  ont  telles  oreilles,  les  autres  non,  c'est  a  dire,  pourquoy  il  est  donne  aux  uns  de  venir  au  Fils,  et  aux  [page  116]  autres  non,  qui  est-ce  qui  a  cognu  le  conseil  de  Dieu?  Si  ne  faut-il  pas  nier  ce  qui  est  manifeste,  combien  que  nous  ne  comprenions  pas  ce  qui  est  occulte.  Item  :  Ie  vous  prie,  dit-il,  si  aucuns  sous  ombre  de  la  predestination  s'adonnent  a  nonchaloir  et  selon  qu'ils  sont  enclins  a  flatter  leur  chair,  vont  apres  ieurs  cupiditez,  faut-il  pourtant  iuger  que  ce  qui  est  escrit  de  la  prescience  de  Dieu  soit  faux?  Item:  C'est  bien  a  propos  de  ne  vouloir  dire  ce  qui  est  licite  de  dire  selon  V  Escriture.  Si  nous  craignons  que  les  rudes  soyent  offensee  en  nous  oyant  parler,  pourquoy  ne  craignons-nous  que  celuy  qui  est