6:139  LE  CATECHISME  DE  GENEVE.  entendement,  lequel  est  de  soymesme  aveugle,  a  ce  qu'il  puisse  comprendre  la  doctrine  qui  me  sera  donnee:  vueilles  confermer  ma  memoire,  pour  la  bien  retenir:  vueilles  disposer  mon  cueur  a  la  recevoir  voluntiers,  et  avec  tel  desir  qu'il  appartient:  afin  que  par  mon  ingratitude,  l'occasion  que  tu  me  presentes  ne  perisse.  Pour  ce  faire,  vueilles  espandre  sur  moy  ten  sainct  Esprit,  l'Esprit  dy-ie  de  toute  intelligence,  verite,  iugement,  prudence,  et  doctrine:  lequel  me  rende  capable  de  bien  profiter:  afin  que  la  peine  qu'on  prendra  a  m'enseigner,  no  soit  perdue.  Et  a  quelque  estude  que  ie  m'applique,  fay  que  ie  la  reduise  a  la  vraye  fin:  c'est  de  te  congnoistre  en  nostre  Seigneur  IESUS  Christ,  pour  avoir  pleine  fiance  de  salut  et  vie  en  ta  grace,*)  et  te  servir  droictement  et  purement,  selon  ton  plaisir:  tellement  que  tout  ce  que  i'apprendray,  soit  comme  instrument  pour  me  aider  a  cela.  Et  puis  que  tu  promets  de  donner  sagesse  aux  petis  et  aux  humbles,  et  confondre  les  orgueilleux  en  la  vanite  de  leur  sens:  pareillement  de  te  manifester  a  ceux  qui  seront  de  cueur  droict:  au  contraire,  aveugler  les  malings  et  pervers:  vueilles  moy  renger  a  vraye  humilite,  par  laquelle  ie  me  rende  docile  et  obeissant:  premierement  a  toy,  secondement  a  mes  superieurs,  que  tu  as  commis  pour  me  regir  et  enseigner.  Davantage,  vueilles  disposer  mon  cueur  a  te  chercher  sans  feintise,  renoncant  a  toute  affection  charnelle  et  mauvaise.  Et  qu'en  telle  sorte  ie  me  prepare  maintenant  pour  te  servir  une  fois  en  l'estat  et  vocation  laquelle  il  te  plaira  m'ordonner,  quand  ie  seray  venu  en  eage.2)  DU  PSALME  XXV.  Le  Seigneur  revelle  ses  secrets  a  ceux  qui  le  craignent:  et  leur  fait  congnoistre  son  alliance.  ORAISON  a)  POUR  DIRE  DEVANT  LE  REPAS.  DU  PSALME  CIV.  Toutes  choses  attendent  apres  toy,  Seigneur,  et  tu  leur  donnes  viande  en  leur  temps.  Quand  tu  leur  donnes,  elles  la  recueillent:  et  quand  tu  ouvres  ta  main,  elles  sont  rassasiees  de  biens.  Seigneur  auquel  gist  la  plenitude  de  tous  biens,  vueilles  estendre  ta  benediction  sus  nous  tes  potate