58:139  139  NEUVIEME  SERMON  140  a  vostre  Pere.  Voila  le  Fils  de  Dieu,  qui  est  Dieu  eternel,  neantmoins,  afin  de  nous  recueillir  a  soy,  et  de  nous  tenir  la  fermes,  tellement  que  iamais  nous  ne  soions  debauchez  de  ce  fondement  qu'il  nous  a  donne  de  sa  Verite,  dit,  que  nous  avons  un  Dieu  commun,  entant  qu'il  est  homme,  et  en  tant  qu'il  est  nostre  frere  :  que  nous  avons  un  Dieu  qui  est  son  Dieu,  et  que  nous  avons  un  Pere  qui  est  son  Pere.  Quand  nous  oyons  ces  choses,  est-il  question  de  plus  estre  en  doute  ni  en  branle?  Comme  il  y  en  a  beaucoup  auiourd'hui  qui  diront,  O,  ie  ne  say  que  ie  doy  tenir:  il  y  a  telle  variete  d'opinions  que  ie  suis  confus:  et  ainsi  ie  ne  puis  rien  croire,  ie  ne  say  ce  que  ie  doy  suivre.  Or  il  faut  bien  que  le  diable  possede  telles  gens,  quand  ils  foulent  aux  piez  la  Verite  de  Dieu,  qui  est  comme  une  clarte  certaine  pour  nous  guider  et  pour  nous  monstrer  le  chemin  de  salut.  Ainsi  donques  puis  que  des  Abraham  et  des  Noe,  Dieu  s'est  manifeste,  et  qu'il  a  establi  Moise  pour  conducteur  de  son  Eglise,  et  qu'il  nous  a  associez  tous  ensemble,  quand  a,  la  fin  il  a  envoye  son  Fils  unique,  en  la  personne  duquel  il  nous  a  tous  recueillis  k  soy,  que  nous  apprenions  de  nous  retenir  en  l'union  de  Foy  qu'il  nous  a  donnee:  et  ne  doutons  pas  qu'il  ne  nous  avoue  tousiours  pour  ses  enfans.  Maintenant  nous  avons  a  noter  ce  que  Dieu  dit,  Qu'il  benira  Isaac,  et  qu'il  multipliera  sa  semence:  car  c'est  pour  monstrer  que  la  faveur  que  Dieu  porte  a.  ceux  qu'il  a  appelez  a  soy,  n'est  pas  vaine  ni  oisive:  mais  qu'elle  apporte  son  fruit  et  son  effect.  Il  est  donc  tout  certain  que  quand  Dieu  nous  sera  propice,  il  nous  eslargira  autant  de  biens  qu'il  cognoist  nous  estre  bon:  il  est  vray  que  ce  ne  sera  pas  k  nostre  souhait:  mais  quoy  qu'il  en  soit,  la  prosperite  sera  tousiours  coniointe  avec  la  grace  et  l'amour  de  Dieu.  Or  nous  savons  qu'il  a  tout  en  sa  main,  et  n'est  pas  chiche,  qu'il  ne  vueille  eslargir  k  ses  enfans  tout  ce  qu'il  cognoist  leur  estre  propre.  Apprenons  donc  d'attendre  toute  prosperite  et  toute  faveur  gratuite  de  nostre  Dieu,  quand  il  lui  plaira  de  nous  testifier  qu'il  nous  aime,  et  qu'il  est  avec  nous,  (comme  desia  nous  avons  dit)  :  et  cependant  toutefois,  encores  que  nous  ayons  beaucoup  d'adversitez  qui  nous  molestent,  et  qui  nous  soyent  dures  et  ameres,  que  nous  ne  laissions  pas  de  tousiours  nous  tenir  a  sa  promesse.  Et  quand  nous  recevons  quelque  grace  de  la  main  de  Dieu,  que  nous  appliquions  cela  tousiours  a  confermer  nostre  Foy,  et  avoir  ceste  resolution,  que  nous  experimenterons  ce  qui  est  ici  dit,  Ie  seray  avec  toy,  et  te  beniray.  Et  il  est  certain  que  si  nous  considerions  bien  les  benefices  de  Dieu  que  nous  recevons  iournellement  de  lui,  et  qu'ils  fussent  prisez  de  nous  comme  ils  en  sont  dignes,  que  nous  aurions  tousiours  dequoy  l'honorer,  et  nous  resiouir  en  lui:  mais  nous  gourmandons  les  biens  qu'il  nous