50:139  139  EPIST.  PAULI  AD  CORINTHIOS  II  140  tantia  vel  ambitio  appareat.  Terum  stultitia  foedior  est  ac  minus  tolerabilis,  si  quis  abs  re  glorietur:  hoc  est,  mentiatur  se  esse  quod  non  est.  Nam  ad  levitatem  accedit  etiam  tunc  impudentia.  Atqui  apostolus  hic  pro  testato  sumebat,  non  veraciter  magis  quam  humiliter  se  gloriari.  Erasmus  reddidit  parco  vobis:  sed  mihi  magis  placet  abstineo,  vel  supersedeo,  ut  verti.  Ne  quis  de  me.  Rationem  adiungit:  quia  contentus  sit  personam  sustinere  quam  illi  Deus  imposuit.  Adspectus,  inquit,  et  sermo  nihil  magnificum  de  me  promittunt  :  non  recuso  igitur  quin  parvus  censear.  Hic  perspicimus  quanta  fuerit  hominis  modestia,  quem  suae  parvitatis,  quam  vultu  et  sermone  prae  se  ferebat,  minime  piguerit:  quum  tamen  tanta  donorum  excellentia  refertus  esset.  Non  tamen  absurdum  erit  ita  exponere,  quod  re  ipsa  contentus,  nihil  de  se  praedicet:  ut  oblique  taxet  pseudoapostolos,  qui  de  se  multa  iactabant,  quorum  nihil  cernebatur.  Quamquam  priore  loco  dixi  quod  magis  probabam.  7.  Et  ne  excellentia  revelationum.  Secunda  ratio,  quod  Deus  cohibere  volens  omnem  in  ipso  insolentiam  ferula  eum  domuerit.  Ferulam  hanc  stimulum  vocat,  metaphora  a  bobus  sumpta.  Carni  graece  est  in  dativo.  Itaque  Erasmus  transtulit  per  carnem:  sed  ego  malo  intelligere  punctiones  huius  stimuli  in  carne  eius  fuisse.  Nunc  quaeritur  quis  ille  fuerit  stimulus.  Ridiculi  sunt  qui  Paulum  existimant  sollicitatum  fuisse  ad  libidinem.  Itaque  repudiandum  est  illud  commentum.  Aliqui  putarunt  vexatum  fuisse  crebris  capitis  doloribus.  Chrysostomo  magis  placet,  ad  Hymenaeum,  Alexandrum  et  similes  referre,  qui  a  diabolo  instigati  plurimum  molestiae  Paulo  facessebant.  Ego  sub  hoc  vocabulo  comprehendi  arbitror  omne  genus  tentationis,  quo  Paulus  exercebatur.  Nam  caro  hic,  meo  iudicio,  non  corpus,  sed  partem  animae  nondum  regeneratam  significat.  Ut  sit  sensus:  Mihi  datus  est  stimulus,  quo  caro  mea  pungeretur:  neque  enim  adhuc  sum  adeo  spiritualis  quin  obnoxius  sim  tentationibus  secundum  carnem.  Nuntium  praeterea  Satanae  vocat,  propterea  quod  sicuti  a  Satana  immittuntur  omnes  tentationes,  ita  simulatque  nos  adoriuntur,  Satanam  adesse  admonent.  Quare  ad  omnem  sensum  tentationis  expergefieri  nos  convenit,  et  ad  repellendos  Satanae  insultus  mature  armari.  Id  Paulo  venire  in  mentem  utilissimum  erat:  quia  non  patiebatur  haec  cogitatio  ipsum  instar  hominis  securi  exsultare.  Neque  enim  qui  periculis  adhuc  circumcidetur  et  hostem  formidat,  triumphum  canit.  Dominus,  inquit,  optimo  remedio  providit  ne  offerar  :  nam  dum  occupor,  cavendo  ne  me  Satan  circumveniat,  reprimor  a  superbia.  Quamquam  non  medebatur  illi  Deus  hoc  modo  duntaxat:  sed  illum  humiliando.  Addit  enim,  qui