44:139  139  IN  ZACHARIAM  140  fuerit  sibi  notum  esse  quidquid  geritur  ubique  gentium:  sed  ostendit  cursores  suos  tam  celeriter  totam  terram  obequitare,  ut  redeant  postea  ad  coeleste  tribunal,  et  ostendant  se  diligenter  perfunctos  fuisse  officio  suo.  Dicit  autem  propheta,  Undecimo  mense,  qui  vocatus  fuit  Sebath  et  vigesima  quarta  mensis  se  hoc  vidisse,  nempe  tertio  mense  post  primum  vaticinium.  Obiurgaverat  severe  Iudaeos  mense  octavo,  nunc  consolatio  adiungitur,  ne  animos  despondeant,  sed  intelligant  se  adhuc  curae  esse  Deo.  Et  fieri  potest,  ut  obiurgatio  de  qua  dictum  fuit,  fuerit  efficax:  imo  probabilis  est  ista  coniectura,  quod  scilicet  propheta  non  perdiderit  operam  quum  hortatus  esset  Iudaeos  ad  veram  et  sinceram  poenitentiam.  Quum  ergo  dedissent  aliquod  signum  pietatis,  videmus  ut  Deus  postea  blandius  cum  ipsis  agat,  et  proponat  spem  futurae  liberationis.  Iam  quod  ad  nocturnum  tempus  spectat,  operae  pretium  est  notare  etiamsi  Deus  non  semper  clare  et  dilucide  proponat  sua  vaticinia,  tamen  non  ideo  profectu  carere,  modo  attenti  simus:  deinde,  modo  etiam  in  tenebris  sinamus  nos  regi  a  spiritu  intelligentiae.  Utcunque  ergo  diversis  modis  doceat  fideles  suos  Deus,  tamen  semper  utiliter  eos  docet,  modo  ne  obmurmurent  si  quid  est  ad  tempus  obscurum:  sed  exspectent  diem  plenae  revelationis.  Et  huc  spectat  Pauli  admonitio  (Philip.  3,  15):  Si  aliter  sentitis  hoc  quoque  Deus  vobis  manifestabit.  Sciamus  ergo  non  semper  aequalem  esse  docendi  modum,  sed  tamen  semper  fructuosam  esse  doctrinam,  modo  sese  contineant  fideles  qua  decet  modestia  et  sobrietate,  et  sitiant  se  pedetentim  a  Deo  regi.  Hoc  extenditur  ad  totum  versum  ubi  dicit  stetisse  equos  et  equites  sub  myrfcis,  et  quidem  in  loco  profundo.  Deinde  quantum  attinet  ad  varios  colores  equorum,  non  debet  mirum  videri,  si  Deus  ita  varie  officia  partitur  inter  angelos,  quia  non  semper  sumit  poenas  de  nobis  per  ministerium  Satanae.  Habet  igitur  angelos  coelestes  exsequutores  vindictae  suae  ubi  ita  visum  est,  et  interdum  diabolos  ad  hunc  usum  accommodat.  Quidquid  sit,  est  tamen  hoc  positum  in  eius  arbitrio,  vel  angelos  deligere  beneficentiae  suae  ministros,  vel  mandare  illis  suam  vindictam,  ut  sub  rufo  colore,  vel  alio  appareant.  In  summa  etiam  hoc  tenendum  est,  angelos  ita  stare  ad  tribunal  Dei,  ut  per  terram  assidue  cursitent,  non  more  hominum.  Esset  enim  illud  crassum  et  puerile,  imaginari  angelos  in  equis  sedentes:  sunt  enim  spiritus  qui  certo  loco  non  continentur.  Sed  quia  non  possumus  sensu  nostro  apprehendere  coelestia  Dei  mysteria,  necesse  est  tales  picturas  nobis  ante  oculos  poni.  Quidquid  sit,  hoc  tamen  fixum  manere  debet,  angelos  semper  esse  in  officio,  quia  terram  lustrant,  ne  quid  temere  fiat  vel  geratur:  deinde  quia  etiam  mittuntur  cum  potestate  et  imperio,  ut  sint  quasi  Dei  manus:  et