42:139  139  SERMON  XLV.  140  Or  Daniel  adiouste  puis  apres,  Que  ceux  qui  auront  este  entendus  reluiront  comme  la  splendeur  du  firmament,  et  ceux  qui  en  auront  iustifie  plusieurs  seront  clairement  comme  les  estoiles  du  ciel.  Par  cette  sentence  il  monstre  a  qui  c'est  que  cette  consolation  dont  i'ai  parle  s'adresse,  et  c'est  un  mot  que  nous  devons  bien  noter  que  cettuy-cy.  Oar  on  nous  pourroit  prescher  de  la  resurrection  cent  mille  ans,  et  nous  ne  recueillerions  gueres  de  fruict,  n'estoit  qu'un  chacun  supliast  cette  doctrine  a  foy,  et  que  nous  fussions  advertis  que  c'est  a  nous  que  Dieu  parle,  et  a  chacun  en  paticulier,  quand  il  proiecte  que  nous  serons  recueillis  en  sa  gloire.  Si  donc  cette  doctrine  se  presche  en  confus,  et  qu'on  nous  remonstre  que  c'est  la  resurrection,  nous  pouvons  dire  il  est  vray,  que  Dieu  doit  retirer  de  corruption  ceux  qui  auront  este  saiges  et  entendus,  mais  quoy?  nous  ne  scavons  pas  si  Dieu  nous  ha  esleus  des  siens:  si  donc  nous  demeurons  en  une  telle  perplexite,  ce  sera  une  chose  superflue,  d'avoir  entendu  que  nous  devons  resussiter,  et  nostre  foy  demoureroit  la  comme  suspendue  en  doute.  Ainsi  donc  cette  doctrine  qu'adiouste  ici  Daniel  nous  est  bien  necessaire,  car  c'est  pour  nous  monstrer  que  le  fruit  de  la  resurrection  nous  en  revient.  Il  dit  donc  que  ceux  qui  auront  este  entendus,  luiront  comme  la  splendeur  du  firmament,  il  donne  ici  une  marque  par  laquelle  on  pourra  dicerner  ceux  qui  seront  participans  de  cette  gloire  et  de  cette  immortalite,  de  laquelle  il  avoit  parle  ci  dessus.  Et  comment  est-ce  qu'il  les  nomme  entendus?  Or  sous  ce  mot  d'intelligence,  il  n'y  ha  nulle  doute  qu'il  ne  signifie  sa  foy,  car  aussi  voila  toute  nostre  sagesse,  et  aussi  donc  notons  que  le  moien  de  parvenir  en  la  vie  eternelle,  et  a  cette  resurrection  bien  heureuse,  c'est  que  nous  soions  illumines,  que  nous  ne  che��  minions  point  en  ce  monde  comme  pauvres  aveugles,  mais  que  nous  soions  esclaires  de  cette  clarte  de  vie.  En  somme  donc  la  foy  est  celle  qui  nous  introduit  en  la  resurrection,  et  en  la  gloire  de  Dieu,  et  l'Escriture  est  pleine  de  toute  cette  doctrine,  comme  aussi  il  n'y  ha  rien  si  commun  que  de  dire  que  la  foy  est  cette  vie  eternelle,  mais  cependant  c'est  pitie,  que  les  hommes  apres  avoir  eu  cette  doctrine,  sont  si  nonchallans  qu'ils  troublent,  ils  appliquent  toutes  leurs  estudes  a  choses  vaines  et  de  nul  profit.  Cependant  il  n'y  aura  nul  qui  pense  a  cette  clarte  de  vie.  Voila  Dieu  qui  nous  monstre  que  cependant  que  nous  cheminons  selon  nostre  sens,  nous  ne  pouvons  sinon  errer,  d'autre  part  ii  nous  declare  que  si  nous  sommes  enseignes  de  luy,  que  sa  verite  sera  une  certaine  vie,  que  nostre  salut  gist  la,  et  voila  le  moien  de  parvenir  a  la  vie  eternelle,  et  nous  demourerons  en  nostre  aveuglement,  et  n'est  ce  pas  signe  que  nous  voulons  perir  a  nostre  escient,  et  de  nostre  bon  gre?  et  ainsi  donc  nous  voions