30:139  139  HOMILIA  LVI.  140  illic  pietas,  nulla  sinceritas  et  integritas,  sed  mera  simulatio  et  hypocrisis.  Tale  fuit  Saulis  sacrificium  :  externa  nempe  pompa,  qua  se  Deo  gratias  agere  pro  parta  victoria,  et  pro  omnibus  acceptis  ab  ipso  beneficiis  simularet.  Nam  si  quod  corde  premebat  exprimere  ausus  esset,  minime  dubium  est  quin  adversus  Deum  blasphemas  voces  evomuisset,  et  de  solio  detrahere  esset  conatus,  si  nihil  reluctando  promovisset.  Quamobrem  discamus  non  solis  externis  ritibus  et  caeremoniis,  veluti  vel  genuum  flexione,  vel  manuum  in  coelum  elevatione,  vel  aliis  istiusmodi  signis  reverentiae  et  humilitatis  Deum  adorari:  sed  oportere  corda  nostra  repurgari  ab  omni  fraude  et  simulatione:  et  eum  in  veritate,  ut  psaltes  loquitur,  invocari,  scientes  non  esse  ipsum  propinquum  nisi  sic  ipsum  invocantibus,  id  est  sese  explorantibus,  et  ad  seriam  peccatorum  cognitionem  venientibus,  seseque  totos  ad  ipsius  obsequium  componentibus,  et  quamcunque  ipsi  correctionem  immittere  placuerit,  ferre  patienter  paratis:  et  nihilominus  tamen  in  bonitate  ipsius  inaestimabili  fiduciam  omnem  suam  ponentibus,  quod  probe  sciant  castigationes  illas  quibus  corpus  afficitur,  in  salutem  aeternam  animarum  suarum  cedere.  Atque  ista  sola  vera  est  invocandi  Dei  ratio.  Sequitur  Samuelem  iussisse  ad  se  Agagum  regem  Amalecitarum  adduci,  et  venisse  Ulum  pinguissimum.  Vox  haec  varie  exponitur,  alii  enim  exponunt  venisse  cum  delitiis,  quae  una  est  significatio  vocis  hebraeae.  Alii  pinguem  exponunt,  quasi  venerit  ad  Samuelem  bene  curata  cute,  ut  regem  decebat.  Alii  gressum  regium  et  superbum  intelligunt,  ut  viri  fortes  et  magnanimi  fortiter  occumbere  malunt  quam  ignominiose  vivere.  Nam  se  quum  antea  rex  fuisset,  iam  captivum  in  vinculis  teneri  videbat,  et  haec  illum  cura  vehementer  urebat,  quod  nulla  spes  affulgeret  redimendae  libertatis:  et  non  haberetur  pro  rege,  caesis  ad  unum  omnibus  ipsius  servis.  Neque  vero  mancipiorum  more  se  haberi  videbat,  quorum  vita  tutior  est,  sed  de  vitae  salute  incertus,  inglorius,  perpetuam  ignominiam,  et  generis  omnis  contumelias  metuebat.  Atqui  regiam  dignitatem  sponte  conditionem  illam  subire  rarum  est,  et  valde  difficile.  Ergo  illum  mortem  non  extimescentem  superbo  ad  Samuelem  venisse  animo  quidam  existimant,  ut  miseram  illam  conditionem  in  quam  inciderat  semel  forti  animo  deponeret.  Alii  vocem  interpretantur,  cum  vinculis,  ut  vinctus  ad  Samuelem  venisse  dicatur,  et  ita  indicetur  non  fuisse  illum  a  Saule  favore  aliquo  et  benevolentia  reservatum,  sed  triumpho  potius  destinatum.  Quibus  verbis  etiam  docemur  Saulem,  licet  non  omnino  illi  pepercerit,  tamen  non  propterea  culpa  vacuum,  quandoquidem  latam  a  Domino  sententiam  per  os  Samuelis  non  impleverat:  non  ideo,  inquam,  culpa  vacuum  quod  vinctum  Agagum  reservaret,  siquidem