27:139  139  SERMON  LXXIX.  140  laisser  la  :  mais  il  faut  marcher  un  degre  plus  outre,  c'est  que  quand  nous  aurons  veu  que  nous  sommes  privez  de  la  benediction  de  la  Loy,  cependant  qu'elle  demeure  une  lettre  morte,  c'est  a  dire,  que  elle  nous  annonce  simplement  ce  que  nous  devons  faire,  et  qu'elle  ne  nous  donne  point  la  vertu  de  l'accomplir:  que  nous  venions  a  nostre  Seigneur  Iesus  Christ,  duquel  l'office  est  d'escrire  en  nos  coeurs  ce  que  Dieu  avoit  escrit  en  des  pierres:  qu'il  nous  donne  l'affection  d'obeir,  au  lieu  que  nous  declinons  tout  a  l'opposite.  Et  cependant  nostre  Seigneur  Iesus  Christ  aussi  a  merite  ceste  benediction  pour  nous,  d'autant  qu'il  a  accompli  tout  pour  nostre  bien:  afin  qu'en  son  nom  auiourd'huy  nous  soyons  receus  en  grace,  et  que  nos  oeuvres  soyent  acceptees  de  Dieu,  combien  qu'elles  ne  le  vaillent  pas.  Car  nous  ne  venons  point  chacun  en  nostre  personne  privee,  nous  n'y  venons  pas  en  qualite  de  ceux  qui  auront  observe  la  Loy  :  mais  nous  y  venons  au  nom  de  nostre  Seigneur  Iesus  Christ,  comme  membres  de  son  corps.  Voila  donc  la  benediction  qui  est  accomplie  en  nous,  quand  nous  cerchons  le  remede  de  ce  qui  nous  deffaut,  et  que  nous  cognoissons  qu'apres  que  Dieu  a  promis  aux  hommes  sous  condition  qu'il  les  benira,  voyant  que  cela  ne  profite  rien,  qu'il  adiouste  une  seconde  grace:  c'est  qu'au  nom  de  son  Fils  unique  il  les  recoit,  et  apres  avoir  escrit  sa  Loy  en  leurs  coeurs,  qu'il  ne  leur  impute  point  leurs  fautes:  tellement  qu'ils  ne  laissent  pas,  encores  qu'ils  ne  puissent  accomplir  la  Loy,  et  que  cela  surmonte  leur  faculte,  d'estre  participans  de  la  benediction  qui  est  ici  contenue.  Voila  pour  un  item.  Or  venons  maintenant  a  ce  que  Moyse  adiouste  de  la  malediction.  Il  dit,  que  tout  ainsi  que  la  Loy  nous  presente  la  grace  de  Dieu,  qui  est  la  benediction  pour  nostre  salut:  qu'aussi  il  ne  faut  pas  que  nous  mesprisions  les  menaces  qui  sont  la  contenues.  Car  si  nous  faisons  l'aureille  sourde,  quand  Dieu  a  parle,  que  nos  coeurs  soyent  envenimez  contre  luy  en  rebellion,  ou  qu'ils  soyent  eslourdis  en  stupidite,  ou  que  nous  soyons  semblables  a  ces  mocqueurs  qui  convertissent  tout  en  risee  :  que  cela  nous  demeure,  c'est  que  quoy  qu'il  en  soit  la  parolle  de  Dieu  sera  ou  pour  nostre  vie,  ou  pour  nostre  mort,  il  n'en  tombera  point  un  seul  mot  a  terre:  que  ceux  qui  feront  leur  profit  de  ce  qu'on  leur  propose  au  nom  de  Dieu,  sentiront  que  la  doctrine  leur  est  donnee  a  salut:  mais  cependant  les  contempteurs,  tous  ceux  qui  auront  reiette  l'instruction  qu'on  leur  donnoit,  il  faudra  qu'ils  en  rendent  conte,  ils  sentiront  qu'un  seul  mot  ne  sera  point  perdu  :  comme  aussi  il  n'est  point  a  mespriser.  Car  ce  qui  sortira  de  la  bouche  de  Dieu,  faut-il  qu'il  soit  aneanti,  et  qu'il  s'en  aille  esvanouyr  sans  effect?  Nenni.  Et  ainsi  notons  bien  que  si  les