21:139  139  THEODORI  BEZAE  140  iratum  Calvinus  nihil  est  moratus.  Vocatur  tamen  ille  in  ius,  cognitaque  causa  ex  senatusconsulto  infamiae  damnatur,  coniunctique  duo  illi  falsi  pastores  exauctorantur,  ipsaque  adeo  oenopolia  interdicuntur:  tantum  abest  ut  malorum  improbitas  quidquam  valuerit  Quod  autem  incendium  hoc  anno  repressum  fuerat  eo  qui  proxime  sequutus  est,  nempe  quadragesimo  septimo  supra  sesquimillesimum,  prorsus  erupit,  nec  aliud  tempus  eo  saeculo  magis  calamitosum  incidit,  Germaniae  ecclesiis  eo  redactis,  ut  una  cum  proceribus  et  urbibus  partim  sese  ultro  dedentibus,  partim  vi  captis,  uno  momento  eversum  videretur  quidquid  tot  annis  tantisque  laboribus  exstructum  fuerat,  eique  demum  beati  a  plerisque  haberentur,  quos  istis  tumultibus  tempestiva  mors  eripuisset.  His  publicis  tot  ecclesiarum  calamitatibus  quantopere  pium  illud  pectus  cruciatum  existimabimus,  non  aliter  etiam  in  media  pace  in  ecclesias  quantumvis  remotas  affectum,  quam  si  omnes  illas  humeris  impositas  gestaret?  Quid  vero?  Quum  summos  illos  viros  quos  amicissimos  habuit  Philippum  dico,  Bucerum,  Martyrem,  videret  ita  periclitantes,  ut  morti  quam  vitae  propiores  essent,  quantis  eum  doloribus  conflictatum  putabimus?  Fortissimo  tamen  animo  Calvinum  tempestates  istas  superasse,  tum  ipsius  scripta  testantur,  tum  etiam  res  ipsa  comprobavit,  quum  domi  multo  acrius  ab  improbis  vexatus  suo  tamen  ex  illo  gradu  ipsis  ne  tantillum  quidem  cesserit.  Itaque,  ut  ad  domestica  certamina  redeam,  quum  in  eo  totus  esset,  ut  evangelium  quod  annunciabat  ostenderet  non  in  speculatione  quadam,  sed  in  ipsa  christiana  vita  positum  esse,  hostes  eos  necessario  expertus  est,  qui  omni  pietati  ac  honestati,  ipsi  denique  patriae  bellum  indixerant.  Eorum  ut  ante  diximus  facile  princeps  erat  Perrinus  ille,  quum  ea  tum  esset  et  illius  et  suorum  conditio  ut  et  ab  ipsis  extrema  quaevis  tentanda  constaret,  et  improbi  aperte  instarent  ut  istorum  omnium  cognitio  *)  a  presbyterio  ad  senatum  transferretur.  Presbyterium  ex  adverso  urgere  sancitas  de  ecclesiastica  disciplina  leges  verbo  Dei  consentaneas,  ipsiusque  adeo  senatus  opem  implorare,  ne  quid  detrimenti  acciperet  ecclesia.  Iudicavit  senatus  ratas  esse  ecclesiasticas  leges  oportere,  illudque  re  ipsa  confirmavit.  Ac  tandem  quum  ille  sua  audacia  sese  in  extremum  discrimen  coniecisset,  exitus  totius  rei  is  tum  quidem  fuit,  ut  senatu  motus  abrogatoque  capitanei  nomine  privatus  viveret.  Haec  autem  omnia,  etsi  coram  magistratu  agebantur,  dici  tamen  non  potest  quantopere  Calvinum  exercuerint:  siquidem  eousque  semel  in  ipsa  1)  de  ipsorum  flagitiis  cognitio  (Edd.  rece.)