7:138  mettant  louer  le  Seigneur  pendant  qu'il  vivra  (Ps.  104,  33)?  Ie  respons  que  cela  n'exclud  point  les  louanges  que  rendent  les  sainctz  apres  leur  mort,  d'autant  que  la  facon  qu'ilz  ont  de  louer  Dieu,  est  diverse  de  la  nostre.  Quant  au  second  passage  (Ps.  39,  14),  ce  sont  les  parolles  d'un  homme  presse  d'angoisse  de  conscience,  lequel  demande  a  Dieu,  que  s'il  a  merite  d'estre  abisme,  qu'il  le  soit  pour  une  foys,  comme  nous  avons  un  semblable  exemple  en  Iob,  quand  il  dict  a  Dieu:  Laisse  moy,  que  ie  pleure  un  petit  ma  douleur,  et  puis  que  ie  m'en  aille  en  la  region  de  tenebres,  ou  il  n'y  a  que  confusion  et  horreur  eternel  (Iob  10,  20).  Cela  ne  faict  rien  a  propos,  pour  dire  que  les  ames  prennent  fin.  Il  y  a  encore  quelques  autres  passages  en  l'histoire  de  Iob,  qu'ilz  destournent  a  leurs  propoz,  lesqu  elz  ie  toucheray  en  brief,  selon  qu'ilz  me  viendront  en  memoire.  Le  premier  est:  Pourquoy  ne  suis-ie  mort  en  la  matrice,  ou  pourquoy  ne  suis-ie  pery  en  [page  184]  sortant  du  ventre  de  ma  mere?  Car  maintenant  ie  dormirois  en  silence  et  reposerois  en  mon  somne,  ou  ie  seroys  comme  un  enfant  avorte,  et  comme  ceux  qui  estans  conceuz  ne  sont  point  venuz  a  perfection  de  vie.  Ie  seroys  au  lieu  ou  les  grans  et  petis  se  reposent  (Iob  3,  11  ss.).  Mais  si  ie  leur  amene  au  contraire  le  quatorziesme  chapitre  d'Esaie,  ou  il  descrit  les  mortz  venans  au  devant  du  Roy  de  Rabylonue,  pour  se  mocquer  de  luy  (Es.  14,  9  ss.),  qu'est-ce  qu'ilz  me  "respondront?  Mais  ie  laisse  cela,  me  contentant  de  la  simple  exposition  de  la  sentence  de  Iob,  qui  est  telle.  C'est  que  luy  estant  presse  iusques  au  bout,  et  quasi  defaillant  dessoubz  le  faix,  ne  regarde  que  sa  misere  presente.  Pour  ceste  cause  il  la  faict  plus  grande  que  toutes  les  autres,  mais  quasi  seule:  il  n'a  donc  point  en  horreur  la  mort,  mais  plustost  Tappete,  comme  si  elle  estoit  fin  de  tout  malheur,  ne  regardant  point  ce  qui  s'ensuivra  apres.  C'est  la  facon  de  ceux  qui  sont  preoccupez  de  grand'  ^  angoisse  ou  douleur.  Car  si  aux  grandes  chaleurⓒ  d'cste  nous  desirons  une  bonne  gelee,  et  derechef  en  yver,  ayant  oublie  combien  la  chaleur  est  facheuse,  desirons  qu'il  face  chaut:  ce  n'est  point  merveille  si  une  passion  vehemente  nous  poulse  a  un  tel  desir.  Regardons  maintenant,  que  [page  185]  peut  faire  l'homme  qui  est  persecute  de  la  main  de  Dieu,  assavoir,  s'il  ne  doit  point  estre  bien  transporte,  en  sorte  qu'il  oublie  tout  le  reste,  a  cause  de  sa  douleur.  Il  y  a  une  mesme  raison  en  plusieurs  autres  sentences  qu'il  dict  apres,  comme  sont  celles  qui  s'ensuyvent.  Qu'il  te  souvienne,  Seigneur,  que  ma  vie  n'est  que  vent  et  que  mon  oeil  ne  retournera  point  pour  voir  son  bien  (Iob  7,  7).  Item  ;  II  ne  me  reste  plus  que  le  sepulchre  (Iob  17,  1).  Item:  Tout  ce  qui  m'appartient  descendra  au  profond  de  la