58:138  ne  laissons  pas  d'estre  leurs  enfans.  Et  ce  n'est  point  sans  cause  que  l'Apostre  aux  Hebrieux,  chap.  l  l  ,  nous  propose  ceste  grosse  nuee  de  tesmoins,  quand  il  nous  veut  monstrer  que  nous  sommes  par  trop  ingrats,  si  nous  n'ensuivons  ceux  que  Dieu  nous  a  proposez  pour  exemple.  Voila  (dit-il)  une  grosse  nuee  et  espesse  de  tesmoins,  qui  nous  appellent  a  Dieu,  que  c'est  (par  maniere  de  dire)  pour  nous  crever  les  yeux.  Nous  prendrons  scandale  en  un  homme,  quand  il  nous  aura  debauchez,  nous  cuiderons  estre  excusez  en  disant,  Celui-la  en  a  bien  fait  autant:  il  ne  nous  faut  qu'une  mouche  pour  nous  faire  destourner  de  la  crainte  de  Dieu  et  de  son  obeissance:  et  cependant  Dieu  nous  proposera  tant  de  tesmoins  pour  esprouver  nostre  Foy,  que  nous  en  devrions  estre  rassasiez.  Et  si  cela  ne  nous  profite  de  rien,  et  que  nous  n'en  soions  confermez,  qui  en  est  cause,  sinon  nostre  ingratitude  ?  Et  ainsi  donc,  toutefois  et  quantes  que  nostre  Foy  sera  debile,  que  nous  aurons  des  traverses  d'ignorance  comme  des  tourbillons,  que  nous  pensions,  Et  comment?  Dieu  a-il  commence  hier  et  auiourd'hui  de  parler?  N'a-il  point  parle  a  Abraham  ?  Et  sa  Verite  n'estoitelle  point  certaine  des  ce  temps-la?  Et  puis  tous  les  fideles  qui  sont  venus  depuis,  tous  les  saincts  Rois  et  Prophetes,  et  les  autres,  ne  sont  ce  pas  autant  de  tesmoins,  que  Dieu  nous  a  monstrez?  Conioignons  nous  donc  a  ceste  saincte  assemblee  -  la.  Car  toutefois  et  quantes  que  l'Evangile  nous  est  presche  (selon  aussi  que  l'Apostre  en  traite)  c'est  pour  nous  attirer  non  seulement  avec  tous  les  fideles  qui  sont  auiourd'hui  vivans,  mais  en  la  compagnie  de  tous  les  saincts  esprits,  que  Dieu  a  retirez  de  ce  monde.  Nous  sommes  donc  auiourd'hui  associez  avec  les  saincts  Patriarches  et  Prophetes,  toutesfois  et  quantes  que  Dieu  parle  a  nous.  Or  nous  serons  tant  plus  inexcusables,  quand  nous  ne  saurons  faire  nostre  profit  de  tout  cela  :  veu  que  Dieu  encore  s'est  revele  a  nous  plus  clairement,  et  d'une  facon  plus  familiere,  en  la  personne  de  son  Fils  unique.  Car  non  seulement  il  est  auiourd'hui  nomme  Le  Dieu  d'Abraham,  mais,  Pere  de  nostre  Seigneur  Iesus  Christ.  D'autant  donc  que  nous  avons  pleine  et  parfaite  revelation  de  ce  qui  nous  est  utile  pour  nostre  salut  en  ceste  image  vive,  en  laquelle  Dieu  s'est  represente:  il  est  certain  que  nous  n'avons  nulle  couleur,  que  nous  puissions  alleguer,  sinon  que  nous  ayons  une  telle  certitude  de  Foy,  que  iamais  nous  ne  soyons  esgarez  ne  ca  ne  la:  et  quand  le  monde  se  remueroit  cent  mille  fois,  que  neantmoins  nous  demeurions  fermes  en  ce  que  nous  avons  receu  de  Dieu,  sachans  que  sa  Verite  est  immuable.  C'est  donc  en  somme  ce  que  nous  avons  a  retenir  de  ce  passage.  Et  au  reste,  notons  aussi  ce  mot  de  nostre  Seigneur  Iesus  Christ,  quand  il  dit,  Ie  m'en  vay  a  mon  Dieu  et  a  vostre  Dieu,  a  mon  Pere  et