52:138  commendat.  Sub  finem  vero  quaestionem  de  resurrectione  attingit:  ubi  declarat  qualiter  excitandi  simus  omnes  a  morte.  Unde  apparet,  fuisse  impios  homines  aut  leves  qui  importune  multa  frivola  ingerendo  fidem  eorum  labefactare  tentarent.  Quare  ut  stultis  ac  superfluis  disputationibus  ansam  praecidat,  breviter  tradit  quid  sentire  debeant.  Et  quinto  capite  severius  etiamnum  prohibet  de  temporibus  inquirere:  sed  perpetuo  vigilandum  esse  admonet,  ne  subito  et  inopinato  Christi  adventu  opprimantur.  Hinc  descendit  ad  varias  exhortationes:  atque  ita  claudit  epistolam.