42:138  que  corruption,  comment  donc  est-ce  que  les  meschans  doivent  resusciter,  car  ils  n'ont  nulle  part  ni  alliance  avec  le  fils  de  Dieu,  ils  sont  du  tout  separes  de  son  corps,  il  semble  donc  que  la  resurrection  ne  leur  appartient  en  rien.  Or  il  est  vray  que  la  resurrection  de  gloire  n'appartienne  point  aux  meschans,  mais  ii  faut  que  la  vertu  de  nostre  Seigneur  s'estende  iusques  a  eux  pour  leur  confusion,  comme  si  nous  demandions,  pourquoy  est-ce  que  Iesus  Christ  est  venu  au  monde,  et  qu'il  ha  vestu  nostre  chair,  on  dira  que  c'est  pour  nostre  salut,  a  fin  de  nous  reconcilier  a,  Dieu  son  pere,  nous  qui  estions  ses  ennemis  auparavant,  mais  tant  y  ha  par  accident  il  ne  laisse  pas  d'estre  venu  pour  redoubler  la  confusion  des  incredules,  comme  il  dit  qu'il  est  venu  en  iugement  en  ce  monde:  pourquoy?  a  fin  que  ceux  qui  voient  soient  aveugles,  a  fin  que  ceux  qui  estoient  auparavant  detenus  en  servitude  du  diable  soient  lies  plus  estroitement  et  qu'ils  entrent  en  une  condemnation  plus  profonde  et  plus  horrible,  cela  donc  n'est  que  par  accident,  ainsi  en  est  il  de  la  resurrection,  que  si  nous  regardions  la  grace  de  nostre  Seigneur  Iesus  Christ,  elle  est  le  fondement  de  la  resurrection  des  fideles,  et  ceux  qui  sont  membres  de  son  corps,  mais  cependant  sa  vertu  va  plus  loing  et  les  meschans  sont  resuscites  par  cette  vertu  la,  mais  c'est  a  leur  condemnation  plus  grande  (comme  desia  nous  avons  dit).  En  somme  nous  voions  quel  est  le  propos  de  l'ange,  quand  il  parle  ici  a  Daniel,  c'est  a  dire  qu'il  ne  nous  doit  point  faire  mal,  si  nous  sommes  exerces  en  ce  monde  parmi  beaucoup  de  miseres,  et  puis  qu'il  nous  faille  aller  en  terre,  et  que  nous  soions  la.  pourris,  car  nostre  esperance  n'est  point  diverse  en  ce  monde,  encores  donc  que  nous  soions  comme  abismes  en  terre,  et  que  la  fin  de  nostre  vie  ne  soit  que  corruption.  O!  si  est-ce  que  nostre  Dieu  nous  a  laisse  une  esperance  meilleure  qui  nous  peut  resiouir,  car  la  pourriture  n'empeschera  point  que  nous  ne  soions  recueillis  en  cette  gloire  immortelle,  que  nous  ne  soions  heritiers  du  royaume  celeste,  que  nous  ne  venions  a  nostre  Seigneur  Iesus  Christ.  Puis  qu'ainsi  est  donc  passons  parmi  les  tribulations  de  ce  monde  patiemment,  venons  a  la  mort,  et  ne  doutons  pas  que  nostre  felicite  soit  empeschee  par  la  mort,  ni  par  tous  les  changemens  de  ce  monde,  au  contraire  si  nous  voions  les  meschans  avoir  la  vogue,  faire  leur  triumphe,  et  avoir  abondance  de  tout  bien,  ne  pensons  point  pour  cela  que  leur  condition  soit  meilleure,  car  il  faudra  qu'apres  avoir  dormi  en  ce  monde,  et  au  sepulchre,  que  Dieu  les  reveille  a  leur  confusion  horrible.  Puis  qu'ainsi  est  donc  attendons  le  Seigneur  en  humilite,  et  sachons  quelle  sera  nostre  fin,  que  nous  aions  tousiours  bon  courage  d'endurer,  iusques  a  ce  que  nostre  redempteur  vienne.