27:138  ture  perverse,  depuis  le  peche  que  nous  avons  tire  d'Adam,  la  Loy  ne  peut  sinon  nous  maudire.  Car  quand  Dieu  nous  monstre  quelle  est  nostre  iustice,  si  nous  venons  a  examiner  nostre  vie,  nous  saurons  que  nous  l'avons  offense  en  tout  et  par  tout:  nous  voila  donc  en  desespoir.  Ouy,  mais  cela  n'est  point  de  la  nature  de  la  Loy,  c'est  a  cause  du  vice  qui  est  en  nous,  pource  que  nous  sommes  pervertis,  et  que  toutes  nos  affections  sont  rebelles  a  Dieu,  et  que  nous  ne  taschons  sinon  a  suyvre  nos  meschantes  cupiditez,  au  lieu  de  luy  obeir.  La  Loy  donc,  a  cause  de  nous,  n'apporte  sinon  ire  et  mort:  mais  quant  a  soy,  si  nous  regardons  la  doctrine  qui  est  la  contenue,  il  est  certain  qu'elle  apporte  benediction.  Car  si  nous  estions  tels  que  nous  devons  estre,  c'est  a  dire,  qu'il  y  eust  une  telle  integrite  en  nous,  que  nous  fussions  disposez  de  servir  a  Dieu,  comme  nostre  pere  Adam  avoit  este  cree  devant  sa  cheute,  la  Loy  apporteroit  sa  benediction.  Et  pourquoy?  Car  il  nous  monstre  qu'il  nous  faut  aimer  Dieu  de  tout  nostre  coeur.  Quand  nous  serons  conioints  a  luy,  que  nous  y  serons  unis  avec  toute  perfection  de  bien,  de  ioye,  de  vie,  de  gloire,  et  tout  cela  se  trouvera  vray.  Car  si  nous  avions  une  bonne  nature,  et  droite,  nous  respondrions  a  ceste  doctrine-la,  et  l'observerions:  ceste  benediction  donc  nous  seroit  accomplie.  A  qui  tient-il  maintenant  que  la  Loy  ne  nous  apporte  que  mort,  et  perdition?  C'est  pource  que  nous  ne  sommes  point  capables  de  recevoir  les  promesses  qui  sont  la  contenues.  Nostre  Seigneur  dit:  Venez  a  moy,  et  ie  vous  rassasieray  de  biens:  et  nous  tirons  tout  au  rebours.  Il  ne  tient  point  donc  a  la  doctrine.  A  qui  tient-il?  A  nous.  Le  vice  ou  se  trouvera��il?  serace  en  la  Loy?  Nenni:  mais  en  nos  personnes.  Maintenant  donc  notons  que  ce  n'est  point  sans  cause  que  Moyse  a  ici  proteste  au  peuple,  qu'il  leur  proposoit  la  benediction.  Or  cependant  encores  pourroit-on  repliquer:  Combien  que  cela  vienne  de  nostre  vice,  que  nous  ne  sommes  point  faits  participans  de  la  benediction  qui  est  promise  en  la  Loy  pour  en  iouyr,  tant  y  a  neantmoins  que  nous  en  sommes  exclus  et  bannis:  c'est  donc  une  chose  superflue,  de  dire:  Ie  vous  propose  benediction.  Non  est.  Car  nous  avons  deux  articles  a  noter.  L'un  est,  que  quand  Dieu  parle  ainsi  de  sa  parolle,  c'est  afin  que  nous  l'ayons  en  prix  et  estime,  et  que  non  seulement  elle  nous  soit  precieuse,  mais  qu'elle  nous  soit  amiable,  que  nous  mettions  la  tout  nostre  coeur:  et  au  reste,  que  nous  venions  puis  apres  a  cognoistre  nostre  malediction  pour  nous  humilier,  pour  estre  abattus,  et  pour  gemir,  voyant  que  nostre  bien  nous  est  converti  en  mal:  d'autant  que  nous  ne  sommes  point  disposez  a  le  recevoir,  que  la  vie  nous  est  convertie  en  mort.  Dieu  encores  n'aura  rien  gaigne  de  nous