21:138  nimium  in  congregationis  coetu  sese  efferentem  increpare  coepit.  Hoc  ille  non  ferens  reperit  facile  ex  iis,  in  quorum  scelera  invehi  solitus  erat  Calvinus,  quorum  favore  et  studio  adiuvaretur,  adeo  ut,  quum  forte  ageretur  de  pastore  in  mortui  locum  subrogando,  palam  ille  cum  suis  sacrum  ministerium  ambiret.  Quid  multis?  interposita  sua  autoritate  iubet  senatus  istius  rationem  haberi.  Obstitit  cum  suis  collegis  Calvinus,  et  quantopere  hic  ambitus  verbo  Dei  repugnaret  ostendit:  obtinuitque  bona  cum  senatus  venia,  ut  scriptis  ecclesiasticis  legibus  staretur.  Erant  tunc  quoque  in  Galliis  nonnulli,  qui  persequutionum  metu  initio  lapsi  eousque  postea  sibi  placere  coeperant,  ut  eos  negarent  peccare,  qui  in  veram  religionem  intenti  corpore  duntaxat  pontificiis  sacris  interessent.  Hunc  igitur  perniciosissimum  errorem  iam  olim  a  patribus  damnatum  Calvinus,  cuius  illi  severitatem  nimiam  esse  causabantur,  et  scripto  luculento  refutavit,  et  adiunctis  doctissimorum  theologorum,  Philippi  Melanchthonis,  Buceri,  Petri  Martyris  et  ecclesiae  Tigurinae  sententiis  ita  coercuit,  ut  ab  eo  tempore  piis  omnibus  foetuerit  Nicodemitarum  nomen.  Ita  enim  illi  vocabantur,  qui  errori  suo  sanctissimi  viri  illius  exemplum  praetexerent.  Hunc  annum  alius  *)  nihilo  mitior  excepit.  Praeterquam  enim  quod  adversus  frequentes  nuncios  de  Caesaris  adversus  religionem  molitionibus  et  pontificis  fraudes,  a  quo  submissos  incendiarios  ferebant,  confirmandus  erat  civium  animus:  deplorandus  erat  in  eo  praecipue  civitatus  status,  quod  tantum  abesset  ut  improborum  petulantia  tot  ferulis  domari  se  pateretur,  [I?  6]  ut  contra  magis  efferretur  adeoque  prorsus  erumperet.  Erant  enim  ducem  nacti  vanissimum  quidem,  sed  audacem  et  ambitiosum  inprimis  (quem  idcirco  Calvinus  comici  Caesaris  nomine  in  suis  epistolis  designat),  Amedeum  Perrinum  nomine,  hoc  etiam  iampridem  consequutum,  ut  generalis  Capitaneus  populi  suffragiis  crearetur.  Is  ratus  id  quod  res  erat,  stare  se  suique  similes  vigentibus  legibus  ac  praesertim  Calvino  assidue  adversus  eorum  lasciviam  detonante  non  posse,  tandem  quid  una  cum  suis  meditaretur  aperte  hoc  anno  prodere  coepit:  quod  quum  animadversum  simul  ac  repressum  fuisset  senatorum  autoritate,  tacuit  ipse  quidem,  sed  ita  ut  mox  apertius  improbitas  sese  proderet.  Ecce  enim  paulo  post  ex  ipso  senatu  quidam  in  hominum  coetu  satis  frequenti  Calvinum  ut  falsa  docentem  corripit,  a  duobus  ex  pastorum  collegio  (ut  existimatur)  clanculum  impulsus,  ebrioso  utroque,  nec  minus  quam  caeteri  severitatem  legum  metuente.  Et  hunc  quidem  la-  1)  MDXLvl.