10.1:138  assistens  advise  quant  les  bledz  seront  pres  de  meurir,  et  que  selon  cela  le  iour  soit  ordonne,  le  quel  se  debvra  publier  a  la  banche  la  sepmainne  devant.  Que  en  vendenges  le  semblable  soit  faict.  Que  le  reste  de  lannee  il  ny  ait  point  daultres  vacations  pour  interrompre  le  cours  des  audiences  sinon  quil  advint  quelque  necessite  extraordinaire  en  la  ville,  pour  laquelle  le  conseil  ordonna  de  superseder  en  proces.  Au  reste,  quant  a  examiner  les  tesmoings  de  ce  quil  a  este  dict  que  cela  se  peult  faire  chascun  iour,  le  dimanche  en  doibt  estre  excepte.  Et  pareillement  daultres  actes  iuridicques,  comme  dadiourner,  louer1)  biens,  et  semblables.  Or  pour  ce  aussi  que  les  feries  pourront  survenir  souvent  sus  un  proces  commence,  devant  quil  se  puisse  terminer:  ce  qui  a  este  dict  du  temps  des  delais  et  du  terme  que  les  causes  devront  durer,  sentendra  avec  ceste  exception,  que  les  feries  ne  seront  point  comprises  en  cela.  [fol.  5  7  v.]  Des  causes  extraordinaires.  Touchant  des  causes  qui  ne  peuvent  pas  souffrir  dellay,  comme  matiere  dalimens,  de  provision,  de  fruictz  pendans  et  semblables:  pour  ce  quil  y  fauldra  proceder  quelque  fois  plus  sommairement,  il  en  sera  dict  en  leur  lieu  et  ordre  dune  chascune.  De  la  recusation  des  iuges,  tant  en  la  procedure  comme  en  sentence  definitive.  Que  nul  iuge  ne  soit  tenu  pour  suspect,  sinon  quil  soit  refuse  de  lune  des  parties.  En  cas  que  les  parties  consentent  toutes  deux  de  lavoir,  quil  ne  se  demecte  point.  Quil  ne  soit  licite  de  recuser  sans  alleguation  de  cause,  de  laquelle  congnoistra  le  reste  du  tribunal:  et  que  celluy  quon  vouldroit  refuse  (sic)  soit  aussi  ouy  sur  les  raisons.  Les  causes  de  recuser  seront:  Avoir  este  procureur,  ou  conseillier,  ou  premier  iuge  en  la  cause.  Item  parentaige  de  pere  a  filz,  frere  a  frere,  oncle  a  nepveu,  cousinaige2)  germain,  pareillement  affinite  iusque  au  degre  donde  a  nepveu  et  au  rebours.  Item  quant  la  cause  atouchera  a  celluy  quon  recuse,  comme  si  le  proces  estoit  touchant  marchandise  en  laquelle  il  eust  compaignie,  ou  sil  debvoit  estre  guarant,  ou  quil  fust  fideiusseur,  Et  semblables.  Item  sil  y  avoit  faveur  manifeste  dun  coste,  1)  B.  a  lu:  les.  2)  B.:  confinaige.