7:137  137  CONTRE  LES  ANABAPTISTES.  138  faudra,  et  le  Seigneur  retirera  mon  ame  de  la  puissance  du  sepulchre  (Ps.  49,  9  ss.)-  La  somme  de  ce  pseaume  est,  que  ceux  qui  se  conflent  en  leur  richesses  ou  vertu,  mourront  tous,  tant  le  povre  que  le  riche,  tant  le  fol  que  le  sage:  mais  celuy  qui  espere  en  Dieu  sera  delivre  du  sepulchre.  Ces  choses  observees,  nous  avons  une  solution  a  tous  les  passages  qu'alleguent  les  Anabaptistes.  Il  est  la  monstre,  que  les  sainctz  estans  estonnez  de  l'apprehension  de  la  mort,  prient  a  Dieu  qu'il  les  en  retire.  Pourquoy  est-ce  qu'ilz  ont  une  telle  horreur?  Regardons  tous  les  exemples  des  fideles:  nous  ne  lisons  point  qu'ilz  ayent  faict  de  grandes  complainctes,  ne  lamentations,  quand  est  venu  1)  a  mourir:  mais  se  sont  submis  a  ]a  bonne  volunte  de  Dieu  en  patience,  ie  dy  mesme  David  et  Ezechias.  Pourquoy  est-ce  donc  qu'ilz  ont  use  de  telles  querimonies  en  ces  passages  prealleguez,  sinon  qu'en  la  mort,  ilz  ont  conceu  l'ire  et  la  severite  de  Dieu,  laquelle  les  a  estonnez,  [page  182]  et  non  sans  cause?  Or,  il  n'y  a  nulle  difficulte,  que  l'homme  qui  sent  la  rigueur  de  Dieu  et  est  persecute  de  sa  vengeance,  ne  le  peut  pas  louer,  d'autant  que  nous  ne  luy  pouvons  point  rendre  action  de  graces,  sinon  en  sentant  sa  bonte.  Secondement  quand  il  est  dict  en  ces  passages,  que  les  mortz  ne  loueront  point  Dieu,  ce  n'est  pas  a  dire  qu'ilz  ne  le  loueront  point  en  leur  cueur,  mais  qu'ilz  ne  racompteront  point  aux  autres  ses  louanges.  Ce  qu'emportent  aussi  les  motz  qui  sont  la  mis.  Car  narrer  et  annoncer,  et  racompter  a  ses  enfans,  signifie  de  celebrer  de  bouche  les  benefices  de  Dieu,  afin  que  le  monde  les  entende.  Ilz  produisent  encore  deux  autres  versets  des  Pseaumes.  L'un  est:  Ie  loueray  le  Seigneur  en  ma  vie.  Ie  chanteray  a  mon  Dieu  pendant  que  ie  suis  (Ps.  104,  33).  Item:  Retire  toy  de  moy,  que  ie  reprenne  courage,  iusques  a  tant  que  ie  m'en  aille,  et  que  ie  ne  soye  plus  (Ps.  39,  14).  Au  lieu  du  premier  passage,  ie  leur  en  rendray  cinq,  pour  leur  prouver  le  contraire  de  ce  qu'ilz  pretendent:  Seigneur  Dieu,  ie  te  confesseray  eternellement  (Ps.  30,  13).  Item:  Ie  beniray  le  Seigneur  en  tout  temps:  sa  louange  sera  tousiours  en  ma  bouche  (Ps.  34,  2).  Item:  Derechef  ie  te  loueray  eternellement,  de  ce  que  tu  as  faict  (Ps.  52,  l  l  )  .  Item:  Ie  loueray  ton  nom  a  iamais  et  au  siecle  [page  183]  des  siecles  (Ps.  145,  1).  Item:  Ie  chanteray  Pseaumes  a  ton  nom  eternellement,  et  au  siecle  des  siecles  (Ps.  61,  9).  David  ne  dict  pas  qu'il  louera  le  Seigneur  seulement  durant  la  vie  presente:  mais  il  promet  de  faire  cela  sans  fin.  Que  veut-il  donc  dire  en  l'autre  passage,  replicquera  quelcun,  pro-  1)  ilz  sont  venus  1611.