58:137  137  DE  IACOB  ET  ESAU.  138  mespriser:  mais  si  nous  avons  eu  des  peres  qui  n'aient  point  este  enfans  de  Dieu  (dont  vient  toute  paternite  et  tout  parentage,  comme  saint  Paul  le  dit)  alors  il  nous  faut  fermer  les  yeux.  Car  quand  Dieu  n'a  point  son  degre  souverain  de  Pere,  et  que  le  tout  ne  se  rapporte  point  a  lui,  malheur  sur  tous  parentages  et  sur  tous  liens  que  nous  prendrons  en  ce  monde:  car  ce  sont  autant  de  filez  de  Satan.  Ainsi  notons  bien,  comme  il  est  dit  en  ce  passage,  que  Dieu  est  le  Dieu  d'Abraham  pere  d'Isaac:  aussi  il  est  dit  a  l'opposite  par  le  Prophete  Ezechiel,  Ne  cheminez  point  en  la  iustice  de  vos  Peres.  Et  pourquoy?  Ces  peres  la  n'ont  point  suyvi  le  train  d'Abraham,  mais  s'en  sont  destournez:  et  pourtant  ils  ne  meritent  plus  ce  titre  tant  honorable  de  peres,  puis  qu'ils  n'ont  point  este  en  somme  enfans  de  Dieu.  Et  ainsi  craignons  qu'il  ne  nous  soit  dit,  comme  saint  Estienne  parle,  Incirconcis  de  coeur,  vous  avez  tousiours  resiste  a  Dieu  et  a  son  saint  Esprit,  comme  aussi  ont  fait  vos  peres.  Que  s'il  y  -a  eu  de  l'ignorance  en  nos  peres,  et  de  la  rebellion,  que  nous  les  quittions  la,  pour  nous  addonner  au  Pere  celeste:  et  cependant,  au  lieu  que  les  Papistes  crient,  Les  peres,  les  peres:  que  nous  discernions,  et  que  nous  ne  soions  pas  bestes  comme  eux,  pour  prendre  nos  peres  en  quelque  bordeau,  comme  ils  prendront  tous  ceux  qui  ont  perverti  et  corrompu  la  simplicite  de  la  Loy  et  de  l'Evangile,  pour  leurs  peres:  assavoir  ces  Moines  et  ces  Caphars,  qui  ont  este  faussaires  de  l'Escriture  sainte.  Que  donc  nous  ne  soions  point  tellement  desproveus  et  destituez  de  sens  que  nous  ne  sachions  que  nos  Peres  doivent  estre  enfans  de  Dieu,  duquel  depend  tout  parentage,  comme  nous  l'avons  allegue  de  S.  Paul.  Voila  donc  en  somme  ce  que  nous  avons  ici  a  retenir:  C'est,  qu'isaac  a  este  admoneste  de  recognoistre  et  reduire  en  memoire  tout  ce  qu'il  avoit  apprins  auparavant,  et  que  c'a  este  pour  une  confirmation  de  sa  foy,  quand  Dieu  a  dit  qu'il  s'estoit  manifeste  a  son  pere  Abraham.  Or  auiourd'hui  nous  avons  a  pratiquer  ceste  doctrine,  toutesfois  et  quantes  que  nous  avons  besoin  de  nous  asseurer,  ou  bien  que  nostre  esprit  est  embrouille,  et  que  nous  sommes  agitez  de  quelque  incertitude,  qu'il  nous  faut  revenir  la:  C'est  d'ensuivre  nostre  pere  Abraham,  et  de  nous  conformer  a  la  reigle  qui  nous  est  monstree.  Et  pourquoy?  Car  nous  sommes  certains  que  Dieu  s'est  manifeste  a  lui.  Voila  donc  une  bonne  conduite,  et  laquelle  ne  nous  pourra  destourner  du  chemin  de  salut,  quand  nous  serons  conformes  a  nostre  pere  Abraham,  lequel  a  este  adopte  de  Dieu  et  lequel  a  receu  le  depost  de  nostre  salut,  c'est  assavoir  toutes  les  promesses  sur  lesquelles  nous  devons  auiourd'hui  estre  fondez.  Et  autant  nous  en  faut-il  faire  de  tout  le  reste  des  fideles  :  car  combien  qu'ils  ne  nous  appartienent  de  rien  selon  la  chair,  toutesfois  nous