44:137  137  CAPUT  I.  138  proferre  quod  postea  opportune  docuit,  noctu  apparuit  haec  visio.  Huc  etiam  pertinet  quod  dicit  angelos  fuisse  in  loco  obscuro,  vel  profundo,  et  latuisse  in  myrtetis.  Nain  allegorice  excutere  quidquid  hic  dicitur,  frivolum  est,  meo  iudicio.  Ego  igitur  hic  subtilius  non  disputo  de  natura  myrtorum.  Sed  quia  scimus  nigredinem  esse  in  illa  arbore  et  reddere  umbram  opacam,  non  dubito  quin  ipso  conspectu  voluerit  Deus  involvere  prophetae  mentem,  ut  sciret  hanc  prophetiam  adhuc  esse  perplexam,  neque  impletum  esse  tempus  solidae  et  clarae  revelationis.  Erant  igitur  equites  isti  inter  myrtos:  hoc  est,  sub  nigris  et  obscuris  arboribus:  deinde  in  loco  profundo,  et  in  densa  umbra:  et  videmus  quam  apte  haec  analogia  fluat.  Alii  in  coloribus  mixtum  ex  tristitia  et  gaudio  populi  statum  designari  putant:  quia  etsi  aliqua  ex  parte  iam  reddita  erat  populo  serenitas,  restabat  tamen  adhuc  multa  caligo,  et  multa  fuit  illorum  temporum  varietas:  quod  ut  probabile  est,  ita  non  reiicio,  modo  teneamus  quod  dixi,  notari  quoque  prophetiae  obscuritatem  per  cavam  vallem  et  myrtos.  Quod  autem  unus  praeficitur  reliquis,  hoc  novum  non  est,  quia  ubi  Deus  turmatim  angelos  suos  emittit,  dat  tamen  quibusdam  principatum.  Haec  igitur  ratio  est  cur  unus  hic  statuatur  qui  eminet  supra  alios  omnes.  Si  recipimus  hunc  angelum  fuisse  Christum,  communis  scripturae  usus  non  repugnat.  Scimus  enim  Christum,  ut  est  angelorum  caput,  ita  semper  eos  regere,  ut  nihil  agant  quum  obsequuntur  Deo,  nisi  sub  eius  auspiciis.  Potest  igitur  fieri  ut  hic  unus  angelus  primatum  gesserit  inter  alios,  ut  prophetae  in  mentem  veniret  redemptor,  qui  et  angelis  et  toti  ecclesiae  dominatur.  Quantum  attinet  ad  diversos  colores,  non  dubito  quin  propheta  agnoverit  ita  distribui  officia  inter  angelos,  ut  alii  secum  afferant  Dei  beneficia,  alii  autem  veniant  armati  flagellis  et  gladiis.  Quorsum  enim  ista  visio,  dum  apparent  alii  sessores  in  equis  albis,  alii  in  rufis,  alii  autem  in  spadicibus  (ut  quidam:  vel  in  colore  medio,  quod  probabilius  est)  nisi  quia  voluit  Deus  ostendere  non  in  hunc  tantum  -finem  se  mittere  angelos  ut  sint  speculatores,  sed  etiam  ut  veniant  vel  ad  homines  castigandos,  vel  sint  beneficentiae  suae  ministri?  Caeterum  voluit  Deus,  quemadmodum  iam  attigi,  palam  hoc  facere,  nihil  geri  in  terra,  nisi  quod  ab  angelis  cognoscitur,  qui  sunt  eius  emissarii  et  cursores.  Dicunt  totam  terram  tunc  fuisse  quietam:  hoc  est,  regiones  Iudaeae  vicinas,  aut  plagam  orientalem.  Unde  potuit  maior  fiducia  concipi  a  Iudaeis:  quia  subiicitur  etiam  precatio  angeli  coniuncta  querimoniae,  Deus  exerci'  tuum,  quid  hoc  sibi  vult,  quod  alios  omnes  vis  frui  otio  et  pace,  et  interea  hostes  assidue  populo  tuo  infesti  sunt  ac  molesti?  An  hoc  consentaneum  est,  ut  ecclesia  tua  misere  semper  affligatur,  profani