30:137  137  IN  L  LIB.  SAMUEL.  CAP.  XV.  138  debita  humilitate  flagitii  punitionem  admittit?  Minime  gentium:  sed  contra  ne  tantillum  quidem  cedit,  et  contra  renitens  Samuelem  rogat  ut  se  coram  senioribus  Israelis  et  universo  populo  honoret.  Ex  quibus  verbis  illum  apparet  non  magno  Dei  timore  duci,  modo  coram  hominibus  suam  autoritatem  retineat,  et  de  sua  dignitate  nihil  ipsi  depereat.  Nos  itaque  quoniam  istud  exemplum  proponitur  hominis  omni  sensu  et  ratione  privati  Dei  iudicio,  discamus  non  adeo  mundum  intueri  quin  magis  in  Dei  iudicia  simus  intenti:  ac  proinde  peccata  agnituri  coelestis  illius  summique  iudicis  maiestatem  intueamur,  veniamque  supplices  deprecemur:  ac  si  quam  afflictionem  immiserit  ad  nos  castigandos,  patienti  et  moderato  animo  feramus,  et  adversus  stimulum  ne  calcitremus  :  et  si  Deus  coram  hominibus  velit  nostrum  dedecus  patefieri,  ne  contra  gloriae  nostrae  studeamus:  sed  potius  pudore  suffusi  Dei  manum  feramus.  Summo  enim  commodo  nostro  fiet,  ut  detecta  coram  hominibus  turpitudine  nostra,  et  ignominia  et  opprobrio  suffusis  Deus  peccata  condonet,  illaque  perpetua  deleat  oblivione,  iiam  qui  ambitione  turgidi  gratiam  apud  homines  retinere,  virique  boni  haberi  volunt,  suas  sordes  et  inquinamenta  tegunt  olim  nocitura:  non  aliter  quam  qui  malum  occultum  celat,  mortem  sibi  maturius  conciliat;  quod  fuisset  alioqui  medicabile  adhibito  convenienti  remedio.  Detegi  autem  malum  oportet,  quod  alioqui  suo  foetore  et  putredine  lethale  fit.  Idem  contingit  iis  qui  apud  homines  viri  boni  haberi,  gratiamque  et  autoritatem  qua  maxime  valent  retinere  cupiunt,  Dei  interim  obliviscentes  :  immo  Dei  et  angelorum  iudicium  et  condemnationem  parvi  facientes,  modo  hic  coram  hominibus  absolvantur  nomenque  suum  retineant.  Hinc  nascitur  in  vitiis  induratio:  hinc  mali  occulti  labes  et  foetor  accrescit,  lethumque  miseris  adfert.  Nos  itaque  discamus  ita  nos  expendere  et  explorare,  ut  sponte  coram  Deo  compareamus,  et  in  ipsius  praesentia  peccata  nostra  magis  ac  magis  condemnemus.  Ac  si,  ut  ante  dixi,  nos  dedecore  et  ignominia  suffundi,  et  in  exemplum  produci,  nostrumque  dedecus  evulgari  voluerit,  patienter  toleremus:  et  Deum  precemur  uti  dedecus  illud  in  nostram  salutem  vertat,  nostrosque  sensus  ita  captivet,  ut  ipsius  voluntati  penitus  acquiescamus.  In  primis  vero  summopere  cavendum  ne  adversus  Deum,  nos  dedecore  aliquo  et  ignominia  assidentem  pugnemus  aut  obloquamur:  ne  indurato  et  praefracto  animo  malum  in  nobis  occultum  sepeliamus,  et  ne  pudeat  nos  coram  Deo  nostrarum  animarum  medico  vulnera  nostra  detegere  quibus  medeatur.  Sic  facinorosi  homines,  quorum  flagitia  deteguntur,  cogitare  debent,  non  temere  id  contingere:  sed  quum  occulta  sua  peccata  esse  sibi  pollicerentur:  Deum  illa  velle  retegi  praeter  suam  opinionem,  et  de  iisdem  poenas