21:137  137  VITA  CALVINI.  138  Fuit  hic  idem  annus  infamis  illa  plus  quam  immani  carnificina,  quam  Aquense  Parlamentum  in  fratres  Waldenses  Merindolae  et  Cabrieris  totoque  illo  tractu,  non  in  unum  aut  alterum  quempiam,  sed  in  populos  ipsos,  nullo  nec  aetatis  nec  sexus  discrimine,  incensis  etiam  vicis  exercuit.  Haec  autem  mala  Calvinum  refugientes  Genevam  pauculos  solantem  ac  reficientem  eo  vehementius  premebant,  quod  eos  antea  literis  submissisque  pastoribus  pure  in  evangelio  instituendos  curarat  suaque  apud  Germaniae  Principes  et  Helveticas  civitates  intercessione  periclitantes  antea  servarat.  Gliscebat  tum  quoque  rursum  infelix  illa  de  coena  Domini  decertatio,  Osiandro  homine  superbo  monstrosique  ingenii  sopitam  flammam  fodiente*:  quod  incendium  quominus  [fol.  IL  6]  sopiretur,  per  Calvinum  certe  non  stetit,  cuius  ea  de  re  ad  Philippum  unam  et  alteram  epistolam  edendam  curavimus.  Sed  utriusque  sanis  consiliis  nullum  locum  tribuit  eius  hominis  intemperies,  quem  uterque  Periclem  vocabat.  Interea  pestis  in  urbe  desaeviens  multos  bonos  tollebat.  Calvinus  autem  ex  suggestu  in  nonnullorum  flagitia  ac  praesertim  adversus  scortationes,  quae  ne  tum  quidem  desinere  poterant,  pro  viribus  detonabat,  bonis  quidem  adsentientibus,  sed  paucis  quibusdam  oyfiaycoyoic  bonorum  conatus  infringentibus,  donec  ipsi  sese  ultro,  sicuti  suo  loco  dicetur,  praecipites  dederunt.  Accedebat  denique  ad  haec  mala,  quod  tum  quoque  non  deessent  parum  illae  quidem  tempestivae  de  iure  civitatis  disceptationis  :*)  nec  pati  possent  aliunde  fideles  pastores  ecclesiastica  bona  pontificiis  erepta  non  sic  ut  oportuit  plerisque  locis  administrari.  Multi  tunc2)  clamores,  multae  querelae,  multi  denique  scribendo  ac  loquendo  labores,  sed  frustra  plerumque  suscepti,  aperte  quidem  profitente  Calvino,  se  quidem  tot  sacrilegiis  3)  minime  favere,  quae  divinitus  tandem  sciret  severissime  vindicanda,  sed  in  eo  tamen  iustum  Dei  iudicium  agnoscere,  quod  bona  tam  male  prius  a  sacrificis  acquisita  non  sineret  Dominus  ecclesiarum  aerariis  inferri.  Alia  praeterea  duplex  sollicitudo  Calvinum  eodem  hoc  anno  domi  simul  et  foris  exercuit  Redierat  tum  Genevam  patriam  suam  veterator  quidam  quamvis  adhuc  iuvenis,  postquam  aliquamdiu  eremitam  in  Galliis  simulasset.  Eum  pietatis  speciem  initio  prae  se  ferentem  Calvinus  (homo  si  quisquam  alius  in  deprehendendis  aliorum  ingeniis  sagacis  solertisque  iudicii),  quum  mox  agnovisset,  admonere  primum  ac  mox  liberius  etiam,  postea  ambitiose  1)  quod  tum  quoque  parum  certe  tempestive  disceptari  de  propriis  reip.  Genevensis  facultatibus  coepit.  (Edd.  rece)  2)  hinc  igitur  (eaedem).  3)  isti  confessioni  (eaedem).