9:136  et  aboli.  Il  adiouste  que  les  femmes  en  ceci  me  monstrent  bien  ma  lecon,  lesquelles  ne  prophanent  pas  aux  iours  ouvriers  leurs  habillements  de  festes.  Si  la  sainctete  de  la  Messe  est  fondee  sur  les  cottes,  robes,  manchons,  collets  et  affiquets  des  femmes,  ie  quitte  le  ieu.  Toutesfois  i'ay  ma  replique,  qu'il  quand  ce  belistre  est  comparu  par  deca,  ce  n'estoit  pas  en  tel  equipage.  Ainsi,  il  n'y  avoit  rien  en  luy,  ni  en  sa  paillarde  pour  honnorer  la  Messe,  veu  que  n'y  avoit  nulle  reserve  pour  les  Dimanches  :  mesme  que  son  chappeau  a  lambeaux  n'estoit  pas  trop  honneste  pour  le  plus  maigre  iour  de  la  semaine.  I'ay  bien  voulu  donner  ce  brief  advertissement  a  ceux  qui  seront  capables  d'en  faire  leur  profit,  et  cependant  faire  honte  a  ceux  qui  s'arment  de  tels  boucliers  en  la  Papaute.  Si  ce  belistre  poursuit  a  habiller  en  son  impudence,  ie  le  pourray  aisement  despriser  avec  d'autres  bestes  qui  valent  encore  cent  fois  plus  que  luy:  car  il  n'est  pas  a  moy  de  faire  taire  tous  les  chiens  qui  abbayent  parmi  le  monde  FIN.