8:136  et  de  m'amener  icy  en  ceste  saincte  compagnie,  la  ou  ie  recoy  iournellement  grande  consolation,  ie  [page  109]  ne  me  puis  taire  que  ie  ne  proteste  et  face  icy  confession  de  ma  foy,  en  laquelle  ie  veux  vivre  et  mourir.  Et  pource  que  sainct  Paul,  escrivant  a  Timothee,  en  la  seconde  epistre,  au  second  chapitre,  monstre  quelle  reigle  doivent  tenir  les  fideles,  quand  ils  sont  appelez  a  la  cognoissance  de  la  verite,  quand  il  dit  que  le  Seigneur  cognoist  qui  sont  les  siens,  et  que  tout  homme  qui  nomme  le  Nom  du  Seigneur,  se  retire  de  toutes  iniquitez;  suyvant,  di-ie,  ceste  protestation,  ie  veux  bien  monstrer  que,  moyennant  la  grace  de  Dieu,  ie  me  destourneray  de  toutes  mauvaises  doctrines,  de  tous  mensonges  et  faussetez,  m'arrestant  du  tout  a  la  verite  de  Dieu,  comme  il  Va  declaree  par  son  Escriture.  Et  ainsi,  ie  croy  en  Dieu  le  Pere  toutpuissant,  qui  nous  a  esleus  et  choisis  devant  le  commencement  du  monde,  en  son  Fils,  nostre  Seigneur  Iesus  Christ,  en  qui  il  nous  a  promis  la  vie  eternelle,  de  laquelle  nous  sommes  desia  en  possession  par  foy,  quand  il  luy  a  pleu  nous  eslargir  en  son  temps  la  predication  de  V  Evangile,  [page  110]  Ie  croy  au  Fils  qui  est  son  image,  lequel  a  este  envoye  en  terre  pour  prescher  et  maintenir  sa  verite,  de  laquelle  il  a  fait  confession  devant  Pilate,  et  ne  l'a  point  nie.  Ie  croy  au  sainct  Esprit,  lequel  nous  rend  tesmoignage  dans  nos  coeurs  que  nous  serons  du  nombre  des  bien-heureux,  au  iour  de  la  resurrection.  Ie  croy  a  la  saincte  Eglise,  voire  la  presente,  a  laquelle  il  a  pleu  a  Dieu  me  retirer,  le  priant  qu'il  luy  plaise  de  m'y  entretenir,  en  sorte  que  i'y  puisse  vivre  et  mourir.  Ainsi,  que  chacun  se  conferme  de  plus  en  plus  en  ceste  purete  et  simplicite  de  la  parole  de  Dieu,  afin  que  tous  ensemble  conioints,  nous  suyvions  le  chemin  que  le  Seigneur  monstre  pour  parvenir  a  la  vie  eternelle,  a  laquelle  il  nous  appele  et  convie,  et  pour  consermer  et  ratifier  nostre  election,  nous  en  rendions  un  tel  tesmoignage,  par  nostre  bonne  vie  et  conversation,  que  les  povres  aveugles  et  idolatres  en  puissent  estre  athrez  a  la  cognoissance  de  verite,  pour  se  ioindre  en  union  de  foy  avec  nous;  et  que  les  meschans  et  reprouvez,  cm#[page  l  l  l  ]  qui  sont  obstinez  et  rebelles  du  tout,  soyent  tellement  separez  de  nous,  que  nous  les  tenions  comme  abominables  et  excommuniez,  comme  aussi  eux  mesmes  se  separent  de  l'Eglise  de  Dieu  et  de  la  communion  des  fideles:  et  telle  est  ma  foy.  Finalement,  M.  Iean  Calvin  a  fait  la  conclusion,  en  priant  ainsi  que  s'ensuit:  Or,  mes  freres,  nous  avons  a  remercier  Dieu  tresaffectueusement,  de  ce  qu'il  nous  a  choisis  devant  que  nous  le  puissions  cognoistre.  Car  nous