7:136  ta  verite  (Ps.  30,  10)?  Item,  ce  que  dict  Ezechias  en  son  cantique:  Le  sepulchre  ne  te  louera  point,  et  la  mort  ne  te  donnera  point  gloire.  Ceux  qui  descendent  en  bas  n'attcndront  point  ta  verite.  Le  vivant,  le  vivant  sera  celuy  qui  te  confessera.  Le  pere  racomptera  au  filz  ta  verite  (Es.  38,  18  ss.).  Pour  solution  il  y  a  deux  choses  a  noter:  l'une  est  que  par  ia  mort  il  ne  faut  point  entendre  simplement  la  mort  commune,  par  laquelle  il  nous  faut  tous  passer,  mais  une  mort  qui  soit  punition  expresse,  et  signe  de  Tire  de  Dieu  :  et  qui  emporte  une  reiection  des  hommes,  pour  les  perdre  dutout.  La  seconde,  quand  il  est  dict:  les  mortz  ne  te  loueront  point:  il  est  parle  de  la  louange  de  Dieu  qui  se  racompte  entre  les  hommes  qui  ont  senty  sa  grace.  Quant  au  premier,  il  est  vray  que  le  mot  d'enfer  signifie  souvent  sepulchre,  comme  aussi  nous  l'avons  translate.  Mais  ceux  qui  sont  exercez  en  l'escriture,  ne  sont  pas  ignorans  que,  par  les  vocables  de  mort  et  de  sepulchre,  ce  que  i'ay  dict  est  signifie,  et  principallement  aux  Pseaumes.  Ceux  donc  que  Dieu  [page  180]  a  reiectez,  et  qu'il  poursuit  de  son  ire,  non  seulement  quant  au  corps,  mais  plustost  quant  a.  l'ame,  sont  appellez  mortz:  et  la  destresse  qu'ilz  sentent,  est  appellee  sepulchre.  Comme  quand  il  est  dict:  Que  la  mort  vienne  sur  eux,  et  qu'ilz  descendent  tous  vifz  au  sepulchre  (Ps.  55,  16).  Item:  Seigneur  Dieu,  si  tu  cesses  de  me  secourir,  ie  seray  semblable  a  ceux  qu'on  devalle  au  tombeau  (Ps.  28,  1).  Item:  Seigneur,  tu  as  retire  mon  ame  du  sepulchre  et  m'as  delivre  de  ceux  qu'on  devalle  au  tombeau  (Ps.  30,  4).  Item:  Que  les  pecheurs  soyent  iectez  au  sepulchre,  tous  peuples  qui  oublient  Dieu  (Ps.  9,  18).  Item:  Si  Dieu  ne  m'eust  aide,  mon  ame  eust  habite  au  sepulchre  (Ps.  94,  17).  Item:  Noz  oz  ont  este  dissipez  pres  du  sepulchre  (Ps.  141,  7).  Item:  II  m'a  colloque  en  lieu  obscur,  comme  les  mortz  (Ps.  143,  3).  Comme  au  contraire  il  est  dict,  que  ceux  que  Dieu  traicte  en  sa  mercy,  vivent.  Le  Seigneur,  dict  David,  en  un  autre  lieu,  a  ordonne  en  son  peuple  benediction  et  vie  eternellement  (Ps.  133,  3).  Item:  delivrant  leurs  ames  do  mort  et  les  nourrissant  en  famine  (Ps.  33,  19).  Item:  Dieu  t'arrachera  de  ton  tabernacle,  et  ta  racine  de  la  terre  des  vivans  (Ps.  52,  7).  Item:  Ie  plairay  au  Seigneur  en  la  terre  des  vivans  (Ps.  116,  ()).  Mais  il  y  a  un  passage  entre  les  autres,  qui  exprime  si  bien  tous  les  deux,  qu'il  nous  suffira  pour  tons.  L'homme  payera-il  la  rancon  [page  181]  de  son  ame,  pour  vivre  sans  fin?  Ne  verrail  point  la  mort,  veu  que  les  sages  meurent?  Folz  et  sages,  dy-ie,  meurent  ensemble:  on  les  arrenge  au  sepulchre,  comme  moutons,  et  la  mort  les  devore.  Mais  les  iustes  domineront  sur  eux  au  matin:  leur  force  perira  au  sepulchre,  et  leur  gloire