58:136  Mon  enfant,  Dieu  m'a  fait  ce  privilege  par  dessus  tous  hommes,  qu'il  s'est  declare  a  moy,  et  m'a  dit  que  ma  lignee  lui  seroit  comme  son  heritage,  et  qu'il  nous  benira,  et  que  nous  serions  sanctifiez  et  separez  de  tout  le  reste  du  monde:  mais  au  reste,  voici  comme  il  nous  le  faut  adorer,  voici  comme  il  nous  le  faut  invoquer,  voila  comme  nous  le  devons  servir.  Si  donc  Abraham  n'eust  fidelement  enseigne  son  fils  Isaac  :  ce  mot  seroit  de  nulle  valeur,  Ie  suis  le  Dieu  d'Abraham:  et  mesme  il  n'eust  emporte  que  superstition.  Et  ainsi,  notons  bien  qu'en  ce  mot  Dieu  a  voulu  donner  confirmation  a  Isaac  de  ce  qu'il  avoit  apprins  auparavant  de  son  pere.  Les  Papistes  font  bouclier  de  ceci  quand  ils  se  veulent  tenir  a  leurs  ordures  et  erreurs  :  car  ils  ont  de  leurs  peres  et  ancestres  ce  qu'ils  suivent,  ils  ne  l'ont  pas  forge  d'auiourd'hui  :  il  leur  semble  donques  que  c'est  assez  pour  repousser  mesmes  tout  ce  que  Dieu  monstre  par  sa  Parole,  moiennant  qu'ils  ensuivent  leurs  peres  et  les  anciens.  Voire,  mais  quand  Dieu  s'est  nomme  le  Dieu  d'Abraham,  il  a  presuppose  une  chose:  c'est  assavoir,  qu'Abraham  avoit  une  foy  reglee  par  la  doctrine  qui  lui  avoit  este  enseignee.  Pourquoy  est-ce  qu'il  ne  se  nomme  le  Dieu  de  Nachor?  Pourquoy  est-ce  qu'il  ne  se  nomme  le  Dieu  de  Thare?  Gar  c'estoit  encores  plus.  Les  Papistes  ne  diront  pas,  II  y  a  cent  ans  que  ce  que  nous  appelons  service  de  Dieu  entre  nous,  a  este  accoustume  entre  les  hommes:  mais  ils  diront,  Comment?  Il  y  a  desia  mille  ans  que  le  monde  se  gouverne  ainsi.  Les  voila  en  possession  pour  despiter  Dieu,  ce  leur  semble,  quand  ils  alleguent  mille  ans.  Or  donc,  s'il  estoit  question  de  la  simple  ajiciennete,  il  faloit  dire,  Ie  suis  le  Dieu  de  Thare  et  de  Nachor,  ou  bien  de  passer  plus  outre,  iusques  a  ceux  qui  avoient  precede  auparavant.  Or  il  n'est  pas  question  de  parler  ainsi.  Dieu  amene  Abraham,  et  Abraham  avoit  este  trespasse  n'agueres,  les  autres  avoient  este  beaucoup  plus  anciens:  quelle  distinction  mettrons-nous  ici?  Il  ne  nous  la  faut  pas  forger  a  nostre  cerveau:  mais  regardons  au  but  auquel  Dieu  a  voulu  qu'Isaac  tendist.  Il  n'y  a  doute  que  ce  ne  soit  d'autant  qu'Abraham  (comme  nous  avons  desia  declare)  avoit  une  pleine  certitude  de  foy,  qu'il  n'avoit  point  une  oppinion  comme  le  reste  du  monde,  pour  dire,  Ie  cuide,  ie  pense:  mais  il  estoit  pleinement  certifie  que  Dieu  avoit  parle  a  lui.  Voila  donc  en  quelle  qualite  et  pour  quelle  raison  il  est  maintenant  dit,  Ie  suis  le  Dieu  d'Abraham  ton  pere.  Et  ainsi  avisons  bien  quels  Peres  nous  devons  ensuivre,  pour  n'y  estre  point  trompez.  Car  si  nos  peres  avoient  este  deument  enseignez,  et  qu'ils  se  fussent  conformez  a  la  verite  de  Dieu,  ce  nous  seroit  desia  une  bonne  aide  de  nostre  foy  :  car  quand  nous  avons  des  guides  qui  nous  monstrent  le  chemin,  cela  est  pour  nostre  advantage,  et  ne  le  devons  point