51:136  diable  les  tient  et  les  possede,  et  ne  demandent  sinon  d'avoir  ie  ne  scay  quoy  de  separe  pour  se  destourner  du  tout  de  Dieu.  Or  sainct  Paul  nous  monstre  qu'il  nous  faut  tendre  a��  ceste  reigle,  et  que  nous  ayons  nostre  Seigneur  Iesus  pour  nostre  but,  et  que  nous  taschions  de  nous  conformer  a  luy:  et  quand  il  parle,  que  ce  soit  pour  nous  renger  a  son  dire,  a  fin  que  chacun  tienne  son  ordre:  et  puis  que  nous  aidions  l'un  l'autre.  Car  nous  aurons  beau  nous  vanter  de  perfection  et  de  ceci  et  de  cela  :  sinon  que  nous  taschions  a  aider  a.  fin  que  l'edifice  du  temple  spirituel  s'advance,  il  est  certain  que  nous  servirons  tousiours  a  Satan  et  serons  comme  esclaves  sous  luy  et  sous  sa  tyrannie.  Apprenons  donc  d'avoir  une  conformite  ensemble,  tendans  a  nostre  Seigneur  Iesus  Christ.  Et  au  reste  que  ceux  qui  ont  magnanimite  et  constance  pour  cheminer  selon  Dieu,  qu'ils  despitent  tous  ces  coquars  qui  se  veulent  ainsi  eslever  en  orgueil,  apportant  ceci  ou  cela:  car  Iesus  Christ  cognoistra  tousiours  ses  fletrisseures:  c'est  a  dire  combien  que  nous  soyons  contemptibles  selon  le  monde,  si  est-ce  toutesfois  que  nous  serons  tousiours  avouez  du  Fils  de  Dieu.  Et  la  dessus  que  nous  marchions  tousiours:  et  que  ceux  qui  nous  voudront  empescher  scachent  que  Dieu  les  abatra,  comme  nous  avons  veu  par  ci  devant.  Et  c'est  bien  raison  aussi  qu'ils  soyent  dissipez  et  confondus  quand  ils  rompent  l'union  de  l'Eglise,  et  qu'ils  ne  veulent  point  servir  selon  leur  mesure  a��  l'advancement  du  regne  de  nostre  Seigneur  Iesus  Christ,  il  faut  bien  que  Dieu  les  ruine,  quelque  gloire  et  presomption  qu'il  y  ait.  Yoila  donc  en  somme  ce  que  nous  avons  a  retenir  de  ce  passage,  si  nous  voulons  persister  en  ia  iouissance  et  possession  des  biens  qui  nous  ont  este  si  cherement  acquis  par  la  mort  et  passion  de  nostre  Seigneur  Iesus  Christ,  et  lesquels  nous  sont  aussi  iournellement  presentez  par  l'Evangile.  Or  nous  nous  prosternerons  devant  la  maieste  de  nostre  bon  Dieu,  en  cognoissance  de  nos.  fautes,  le  priant  que  nous  en  soyons  tellement  navrez  que  ce  soit  pour  en  gemir,  et  pour  luy  en  demander  pardon,  et  aussi  pour  nous  reformer  a  une  vraye  repentance,  tellement  que  nous  puissions  batailler  contre  tous  nos  vices  et  toutes  les  corruptions  de  nostre  ehair,  iusques  a  ce  qu'il  nous  en  ait  despouillez  du  tout  pour  nous  revestir  de  sa  iustice.  Ainsi  nous  dirons  tous,  Dieu  tout  puissant,  pere  celeste  etc.