50:136  CAPUT  XII.  1.  Gloriari  sane  non  expedit  mihi.  Veniam  enim  ad  visiones  et  revelationes  Domini-  2.  Novi  hominem  in  Christo  ante  annos  quatuordecim  (sive  in  corpore,  nescio:  sive  extra  corpus,  nescio,  Deus  novit)  eiusmodi,  inquam^  hominem  raptum  fuisse  usque  in  tertium  coelum  :  3.  scio  de  eiusmodi  homine  (sive  in  corpore,  nescio:  sive  extra  corpus,  nescio,  Deus  scit)  4.  quod  raptus  sit  in  paradisum  et  audierit  verba  ineffabilia,  quae  non  licet  homini  loqui.  5.  De  eiusmodi  homine  gloriabor:  de  me  ipso  non  gloriabor,  nisi  in  infirmi'  tatibus  meis.  1.  Gloriari  non  expedit.  Nunc  quasi  in  medio  cursu  manum  sibi  iniicit,  ne  longius  provehatur.  Atque  hoc  modo  aemulorum  impudentiam  aptissime  coarguit:  seque  invitum  facere  testatur,  ut  hoc  genere  certaminis  cum  illis  contendat.  Cuius  enim  verecundiae  erat  hinc  inde  corrogare  vel  potius  emendicare  laudes,  ut  pares  essent  tanto  viro?  Quod  ad  secundum  pertinet,  admonet  suo  exemplo,  quo  pluribus  et  praestantioribus  unusquisque  nostrum  gratiis  abundat,  eo  minus  de  sua  excellentia  debere  illi  venire  in  mentem.  Est  enim  valde  periculosa  cogitatio:  quod  tanquam  labyrinthum  ingressus  mox  perstringitur,  ut  sua  dona  nimis  acute  cernat,  se  vero  ipsum  ignoret.  Id  ne  sibi  contingat,  veretur  Paulus.  Agnoscendae  sunt  quidem  Dei  gratiae,  ut  primum  ad  gratitudinem,  deinde  ad  rectum  earum  usum  expergefiamus:  verum  inde  sumere  gloriandi  argumentum,  id  vero  non  caret  ingenti  periculo.  Veniam  enim  ad  visiones.  Non  repam  humi,  sed  conscendere  in  altum  cogar.  Ita  timeo  ne  altitudo  donorum  me  abripiat  in  oblivionem  mei.  Et  certe  si  ambitiose  gloriatus  fuisset  Paulus,  ex  alto  fastigio  in  praeceps  decidisset.  Sola  enim  est  humilitas  quae  magnitudinem  nostram  stabiliat  coram  Deo.  Inter  visiones  et  r  e  v  e  l  a  t  i  o  n  e  s  hoc  est  discriminis,  quod  revelatio  saepe  contingit  vel  per  somnium,  vel  per  oraculum  in  quo  nihil  oculis  appareat:  visio  autem  nunquam  fere  sme  revelatione  datur:  hoc  est,  quin  Dominus  patefaciat  quid  sibi  voluerit.  2.  Novi  hominem  in  Christo.  Quia  nfodum  statuere  sibi  volebat,  unum  modo  exemplum  deligit,  quod  etiam  ita  tractat,  ut  demonstret  se  non  cupide  in  medium  proferre.  Cur  enim  alienam  potius  quam  suam  personam  inducit?  perinde  hoc  valet  ac  si  diceret:  Mallem  tacere,  mallem  suppressum  apud  me  hoc  totum  tenere:  sed  illi  non  sinunt.  Dicam  igitur  tanquam  balbutiens,  ut  constet  me  invitum  loqui.  Particulam  in  Christo  aliqui  assertionis  causa  interpositam  putant.  Ego  potius  ad  affectum  m