20:136  inde  rem  fecisti  nobis  omnibus  gratissimum  qui  significans  ultimis  tuis  literis  regem  deditione  Portum  gratiae  recepisse.  Ideoque  gratias  agimus  tibi  pro  literis  illis  12  huius  mensis  scriptis.  Studiosi  illi  mature  reddiderunt.  Possumus  ex  illis  respondere  iis  quos  Pagi  vana  sua  iactatione  dementare  conantur.  Atque  utinam  describat  aliquando  Ionvillaeus  noster  omnem  historiam  recuperationis  illius  paulo  copiosius.  Fama  enim  est  plures  utrinque  ante  deditionem  occubuisse,  multos  etiam  ex  militibus  Helveticis.  Froschoverus  iunior  accepit  responsionem  Admiraldi  ad  confessa  Puliroti  et  promisit  se  impressurum,  si  non  in  hac  urbe,  saltem  alibi.2)  Sero  tamen  satis  absolvit  illam  interpres.  Ubi  exempla  accepero,  unum  et  alterum  ad  vos  mittam.  Quod  autem  praeterita  aestate  futurum  dixi,  id  iam  factum  esse  denuncio.  Dixi  principem  Wirtembergensem  diligenter  laborare  ut  aliquibus  in  Gallia  Brentii  doctrinam  de  coena  et  ubiquitate  obtrudat  atque  commendet.  Iam  vero  in  haec  verba  scribit  Tubinga  amicus  quidam:  Princeps  paucis  ante  diebus  hic  fuit,  duxit  secum  principem  quendam  Lituanum  admodum  puerum,3)  quem  aiunt  Argentinae  operam  literis  daturum.  Inter  coenandum  dixit  Wirtembergensis  se  vehementer  mirari  quod  Zwinglianis  inter  alia  de  coena  dogmata  id  maxime  videatur  absurdum  quod  Deus  esse  dicitur  in  omni  herba,  saxo  atque  etiam  in  diabolo.  Adfuit  tunc  quoque  tuus  ille  Brentius,  qui  dicitur  novum  contra  te  librum  scribere,  aut  etiam  iam  absolvisse.  Catechesis  Brentiana,4)  de  qua  hac  aestate  tibi  scripsi,  iam  dudum  et  versa  est  in  gallicam  et  impressa.  Exemplaria  ad  unum  omnia  iussu  Principis  ad  ipsum  sunt  missa,  eorumque  circiter  200  in  hac  civitate  colligata,  quae  missa  sunt  in  Galliam.  Submittentur  et  plura  alia  impensis  Principis.  Conatur  his  modis  omnibus  crassam  illam  Lutheri  doctrinam  de  coena  contra  Zuinglium,  Oecolampadium  et  Calvinum  in  Gallicas  invehere  ecclesias.  Utinam  conatus  illius  inanes  redeant,  et  ne  dissidium  aliquod  excitet  in  Gallia  quod  cursum  evangelii  ut  in  Germania  impediat  ete.  Haec  ex  Tubinga.  Putavi  autem  ex  officio  meo  esse  hoc  tibi  serio  et  mature  indicare,  ut  pro  tua  vigilantia  et  prudentia  pravis  obvies  conatibus.  Praeterea  quod  scribam  in  praesentia  non  habeo.  Omnes  nostri  te  una  cum  tuis  omnibus  salvere  2)  Gasp.  de  Coligny  warhafftige  bestendige  verantwortung  und  Widerlegung  aller  Punoten  welche  Johann  v.  Poltrot,  so  den  Hertzogen  von  Guyss  vor  Orleans  erschossen,  soli  bekennt  haben.  Ausa  d.  Franz.  1663.  4,  3)  Radziyilii  filium  nt  puto  (Simler,  ex  Lasitii  ep.  ad  Bull  d.  d.  Non.  Sept).  4)  N.  3956.