10.1:136  prouvee  par  oblige  ou  scedule:  et  telles  aultres  debtes  ou  il  nest  point  requis  de  libelle  escrit,  que  la  demande  se  face  verbalement  avec  production  de  loblige  ou  scedule  ou  aultre  instrument,  pour  vuider  sommairement  la  cause  en  telle  forme  que  dict  a  este.  Si  la  cause  est  telle,  quil  soit  requis,  que  la  demande  se  couche  par  escrit:  comme  quant  il  y  a  plusieurs  raisons  a  alleguer  et  que  la  [fol.  5  6  r.]  desduite  soit  longue  et  difficile,  que  le  demandeur  au  premier  iour  de  lassignation  produise  par  escrit  sa  demande:  et  ait  un  double  dicelle  en  la  main  pour  communiquer  a  partie  adverse.  Et  que  cela  se  face  aux  despens  du  demandeur  iusque  a  la  taxe  des  despens.  Que  pour  respondre  le  defendeur1)  nait  point  plus  de  huictz  iours  de  terme.  Et  que  lors  il  ait  a  respondre  en  niant  ou  affermant  avec  contestation  de  cause.  Apres  que  le  defendeur  aura  respondu,  et  que  la  cause  sera  contestee,  si  lacteur  veult  desduire  son  cas  par  articles,  pour  venir  a  probation,  que  du  iour  de  la  contestation,  il  ait  huict  iours  pour  ce  faire.  Et  alors  sil  a  droict  par  escrit  ou  instrumens  dont  il  se  vueille  servir,  quil  les  apporte  pour  les  produire  avec  ses  articles.  Cela  faict,  que  le  defendeur  ait  aussi  huictz  iours  a  respondre  sur  les  articles  et  non  plus.  Si  la  preuve  gist  en  tesmoings,  apres  que  le  defendeur  aura  respondu,  le  defendeur  ait  encor  huict  iours  de  terme  a  faire  venir  ses  tesmoings  silz  sont  en  la  ville.  Silz  sont  dehors,  quil  ait  terme  competent  pour  les  faire  venir  ou  examiner  sur  le  lieu  en  vertu  de  requisitoires.  Tellement  que  huictz  iours  apres  le  terme  donne,  les  tesmognages  soient  publies.  Ainsi  ordinairement  ny  aura  que  quinze  iours.  Cela  se  doibt  tellement  entendre,  quo  depuis  le  commencement  du  terme  la  d.  partie  un  chacun  iour  puisse  faire  iurer  et  examiner  ses  tesmoings  iusque  au  iour  de  la  publication  exclusivement:  aiant  toutefois  faict  evocquer  son  adverse  partie  selon  que  le  droict  porte.  [fol.  56  v.]  Du  iour  de  la  publication,  si  les  parties  pretendent  de  proposer  quelque  scedule  pour  declairer  le  faict,  ou  leur  droict,  quelles  ayent  huict  iours  de  dellay  pour  ce  faire.  En  cas  dexception.  En  cas  que  le  defendeur  en  sa  response  use  dexception,  laquelle  requiere  preuve:  comme  sil  alleguoit  solution  ou  chose  semblable,  que  le  mesme  terme  luy  soit  donne  comme  il  a  este  dict  du  demandeur.  1)  B.:  defenseur.