9:135  135  REFORMATION  CONTRE  ANT.  CATHELAN.  136  maintenant  a  la  foy  de  Iean  Calvin?  puisque  i'appelle  la  Messe  un  idole,"combien  que  ie  confesse  que  Iesus  Christ  est  en  l'Eucharistie:  comme  s'il  y  avoit  grande  contrariete  que  la  vertu  de  Iesus  Christ  est  presente  a  ce  qu'il  a  ordonne,  et  que  ce  qui  a  este  invente  a  l'opposite  n'est  que  pure  illusion  de  Satan.  Qu'est-ce  que  l'Eucharistie  ?  C'est  un  Sacrement  que  le  Fils  de  Dieu  a  establi,  auquel  il  accomplit  en  verite  ce  qu'il  y  promet  par  figure.  Qu'est-ce  que  la  Messe?  une  fripperie  de  blasphemes,  laquelle  n'a  rien  de  commun  avec  les  promesses  de  Dieu,  non  plus  que  les  enchantemens  de  sorciers.  Voyla  comment  ce  tavernier  ou  marmiton  de  cloistre  a  bien  apprins  a  arguer.  Il  y  a  en  la  fin  un  bon  petit  mot  qui  sert  de  saupiquet  pour  donner  goust  au  reste:  c'est  que  i'ay  grand  tort  de  prophaner  les  accoustrements  de  la  Messe,  veu  que  les  Sacrificateurs  et  Levites  en  avoyent  sous  la  Loy.  Comme  si  le  vovle  du  Temple  n'avoit  pas  este  rompu,  pour  monstrer  que  tout  cela  est  passe