8:135  135  CONGREGATION  136  que  la  iustice  de  Dieu  est  conioincte  a  sa  verite,  et  ne  les  faut  separer  l'une  de  V  autre;  de  sorte  que  quand  nous  disons  que  Dieu  a  fait  une  chose,  nous  devons  cognoistre  qu'elle  est  bien  faicte  et  iustement,  puis  que  Dieu  Va  voulu  faire,  et  qu'il  Va  faite.  Au  reste  que  nous  advisions  bien  a  entendre  ee  passage  de  sainct  Paul,  qui  a  este  allegue  et  tres-bien  deduit:  d  est  assavoir,  que  tous  soyent  sauvez,  et  que  tous  viennent  a  la  cognoissance  de  la  verite.  Si  nous  le  prenons  en  general  de  toutes  personnes,  regardons  [page  106]  un  peu  ce  qui  s'ensuivroit  de  la.  Car  il  faut  conclurre  de  deux  choses  Tune:  premierement,  si  tous  doivent  estre  sauvez,  il  s'ensuit  qu'il  n'y  en  aura  aucuns  de  damnez,  comme  il  a  este  dit.  Ce  qui  est  directement  contre  le  premier  article  de  nostre  foy.  Ainsi,  quant  a  moy,  ie  consens  a  ce  qui  a  este  dit  cy-dessus,  et  l'approuve,  c'est  assavoir,  que  Dieu  a  son  conseil  eternel,  par  lequel  il  dispose  de  toutes  ses  creatures  comme  il  luy  plait,  voire  le  fait  iustement,  comme  tant  de  fois  l'Esprit  de  Dieu  tesmoigne  en  l'Escriture  saincte.  Graces  a  Dieu  de  ce  qu'il  luy  a  pleu  se  servir  de  son  election  pour  monstrer  sa  grace  en  moy,  et  non  point  pour  se  servir  de  ma  condamnation,  pour  y  monstrer  son  iuste  iugement:  ce  que  toutesfois  il  eust  peu  faire  sans  me  faire  tort,  et  n'eust  point  fallu  murmurer  a  l'encontre,  suyvant  l'admonition  de  sainct  Paul,  quand  il  dit:  O  homme!  qui  es-tu,  qui  veux  plaider  a  l'encontre  de  Dieu?  Cependant  ie  glorifie  mon  Dieu  de  ce  que  ceste  doctrine  peut  estre  clairement  entendue,  quand  elle  nous  a  este  [page  107]  exposee  maintenant  si  facilement,  que  mesme  ceux  qui  nous  mettent  en  avant  que  nous  la  tenons  des  hommes,  se  doivent  tenir  pour  plus  que  convaincus,  quand  ils  voyent  les  passages  de  l'Escriture  saincte  qui  ont  este  mis  en  avant;  et  nous  ne  saurions  mer  que  ce  ne  soit  Dieu  qui  a  parle  par  la  bouche  des  hommes.  FIN.  [page  108]  Apres  que  les  Ministres  susdits  eurent  parle,  chacun  en  son  ordre,  et  comme  il  est  dit  cy-dessus,  M.  Iean  Calvin  admonesta,  que  s'il  y  avoit  quelqu'un  qui  eust  quelque  doute,  il  la  mist  en  avant,  afin  qu'il  luy  fust  respondu,  et  qu'un  chacun  fust  resolu  entierement  de  ceste  doctrine.  Cela  fait,  M.  Claude  Baduel  adiousta  ce  qui  s'ensuit  :  Combien  qu'il  ne  salle  pas  que  ie  parle  apres  tant  d'esprits  excellens,  par  lesquels  la  doctrine  de  nostre  salut  nous  a  este  remonstree,  maintenant  puis  que  Dieu  m'a  fait  la  grace  de  me  retirer  de  ceste  tyrannie  de  l'Antechrist,  en  laquelle  i'ay  este  detenu  si  longtemps,