7:135  135  BRIEVE  INSTRUCTION  136  pas  que  les  hommes  ne  penseront  rien  apres  leur  mort:  mais  il  entend  que  toutes  leurs  deliberations  viendront  a  neant.  Ilz  amenent  un  autre  passage  quasi  semblable.  Il  s'est  souvenu  qu'ilz  sont  chair,  esprit  qui  va  et  ne  retourne  point  (Ps.  78,  39).  Or  ie  confesse  qu'iey  le  nom  d'esprit  signifie  vont  ou  souffle:  mais  ie  nie  que  cela  leur  serve  de  rien  pour  confirmation  de  leur  erreur.  Car  par  ceste  facon  de  parler,  le  Prophete  a  voulu  exprimer  la  fragilite  de  nostre  condition,  et  la  brievete  de  la  vie  humaine.  Il  est  dict  en  l'histoire  de  Iob,  que  l'homme  est  comme  une  fleur  sortant  de  terre  qui  fletrist  incontinent,  et  comme  l'ombre  qui  s'evanouyt  (Iob  14,  2.)  Esaie  commande  a  tous  prescheurs  de  crier  que  toute  chair  n'est  que  foin  (Es.  40,  6).  Si  les  Anabaptistes  concluent  do  cela  que  l'ame  se  fletrist,  ilz  verront  plus  clair  que  sainct  Pierre,  qui  prouve  que  les  ames  des  fideles  sont  immortelles  (1  Pierre  1,  23):  d'autant  que  le  Prophete  adiouste  consequemment  que  la  parolle  de  Dieu  demeure  a  iamais.  Il  y  a  une  semblable  raison  en  ce  qui  est  dict  en  un  autre  Pseaume:  Comme  un  pere  a  pitie  de  ses  enfans,  aussi  le  Seigneur  a  eu  pitie  de  ses  serviteurs:  car  il  congnoist  de  quoy  nous  sommes  faictz.  Il  s'est  souvenu  que  nous  sommes  [page  178]  pouldre:  que  noz  iours  sont  comme  hcrbe,  dont  la  fleur  desseiche  incontinent,  que  l'esprit  passe  en  nous  et  n'y  arreste  point,  et  ne  congnoist  plus  son  lieu  (Ps.  103,  13  s.).  En  toutes  ces  sentences,  notons  que  l'homme  est  admonneste  de  sa  fragilite,  principallement  quand  Dieu  retire  sa  main  et  sa  vertu  de  luy:  afin  qu'il  congnoisse  qu'il  n'est  rien,  et  moins  que  rien  :  sinon  entant  que  Dieu  le  soubstient  et  le  conserve  par  sa  grace.  Et  de  faict,  quand  nous  disons  que  les  ames  sont  immortelles,  nous  ne  pretendons  par  cela  de  rien  deroguer  au  tiltre  de  Dieu,  lequel  sainct  Paul  dict  estre  seul  immortel  (1  Tim.  6,  16).  Plustost  nous  estimons,  que  c'est  un  blaspheme  que  d'attribuer  immortalite  a  l'ame,  comme  si  elle  subsi&toit  de  sa  propre  vertu.  Mais  cependant  il  nous  convient  de  considerer  quelle  propriete  et  nature  Dieu  a  donnee  aux  ames:  c'est  de  subsister  par  sa  main  pour  estre  en  beatitude  immortelle,  ou  en  malediction.  Mais  ilz  pensent  avoir  un  bien  fort  baston  en  ce  qui  est  dict  en  un  autre  Pseaume  :  Feras-tu  miracle,  pour  faire  ressusciter  les  mortz  afin  qu'ilz  te  louent?  Quelcun  racomptera-il  ta  misericorde  au  sepulchre?  ou  ta  iustice  en  la  terre  d'oubliance  (Ps.  88,  ll  ss.)?  Item:  Les  mortz  ne  te  loueront  point,  Seigneur,  [page  i79]  ny  tons  ceux  qui  descendent  au  sepulchre.  Mais  nous  qui  vivons,  benirons  Dieu  (Ps.  115,  17).  Item:  Quel  profit  y  aura-il  en  mon  sang,  quand  ie  seray  descendu  en  pourriture?  la  pouldre  te  louera-elle,  ou  si  elle  annoncera