58:135  135  NEUVIEME  SERMON  136  ici  a  observer:  Que  quand  un  homme  ne  sait  comme  il  en  est  avec  Dieu,  c'est  a  dire  qu'il  ne  se  pourra  point  certifier  que  Dieu  lui  porte  affection  paternelle:  il  faudra  qu'il  tremble  et  qu'il  soit  tousiours  esbranle  de  coste  et  d'autre,  et  qu'il  ait  des  pointes  qui  le  tormentent,  sans  savoir  pourquoy  :  que  bien  souvent  il  sera  en  perplexite.  Voila  comme  en  sont  les  incredules  :  non  pas  qu'ils  ne  s'asseurent,  voire  iusques  a  despiter  Dieu:  car  il  leur  semble  qu'ils  sont  eschappez  de  sa  main,  et  que  quand  il  foudroiroit  du  ciel,  qu'il  ne  les  peut  attoucher.  Les  meschans  donc  et  contempteurs  de  Dieu  seront  bien  asseurez  iusques  la  en  leur  orgueil:  mais  .cependant  Dieu  leur  donne  des  pointes  la  dedans,  qu'ils  ont  des  assauts  aveugles,  par  maniere  de  dire,  qu'ils  ne  savent  d'ou  cela  vient,  et  cependant  c'est  Dieu  qui  leur  fait  la  guerre  de  leur  propre  incredulite.  Et  voila  le  salaire  de  tous  ceux  qui  ne  se  reposent  point  en  Dieu,  et  ne  cognoissent  point  que  tout  nostre  bien,  toute  nostre  ioye  et  felicite  est  d'estre  en  sa  sauvegarde.  Tous  ceux  donc  qui  presument  de  leurs  forces  et  vertus,  tous  ceux  qui  s'amusent  ici  bas  aux  creatures,  il  faut  en  la  fin  qu'ils  soient  payez  de  leur  fole  presomption,  de  ce  qu'ils  n'ont  point  rendu  a  Dieu  l'honneur  qui  lui  appartenoit:  c'est,  qu'ils  se  trouvent  comme  povres  gens  transis,  Et  pourtant  apprenons,  encore  que  Dieu  nous  donnast  toutes  nos  aises,  et  toutes  les  voluptez  qu'il  est  possible  de  souhaiter,  de  ne  point  tellement  nous  arrester  a  cela,  que  nous  en  soions  destournez  de  lui:  mais  que  nous  apprenions  plustost  de  nous  tenir  en  la  grace,  et  au  tesmoignage  que  nous  avons,  que  selon  qu'il  nous  a  adoptez  pour  ses  enfans,  il  se  monstrera  tousiours  Pere  envers  nous.  Quand  donc  nous  aurons  prins  ceste  resolution,  il  est  certain  que  nous  pourrons  surmonter  toutes  craintes:  mais  a  l'opposite,  quand  nous  cuiderons  estre  asseurez  sans  la  protection  de  Dieu,  il  faudra  qu'il  nous  monstre  quelle  est  nostre  folie  et  outrecuidance.  Voila  en  somme  ce  que  nous  avons  a  retenir.  Et  ainsi  conioignons  ces  deux  choses  comme  inseparables,  Que  Dieu  est  avec  nous,  et  que  nous  sommes  bien  asseurez  contre  tout  mal:  car  s'il  est  esloigne  de  nous,  helas,  nous  sommes  plus  que  miserables,  encores  que  nous  fussions  en  un  paradis,  comme  i'ay  desia  dit:  mais  quand  il  est  avec  nous,  et  que  nous  cheminons  en  l'ombre,  et  en  l'obscurite  de  mort  et  qu'il  semble  que  nous  devions  perir  a  chacune  minute,  nous  ne  laissons  pas  de  nous  resiouir,  sachant  bien  que  la  mort  nous  sera  convertie  en  vie,  et  que  le  tout  reviendra  a  nostre  salut.  Au  reste,  nous  avons  a  noter  ce  qu'il  dit,  Qu'il  est  le  Dieu  d'Abraham:  car  par  ce  mot  il  ramentoit  a  Isaac  toutes  les  promesses  lesquelles  il  avoit  apprises  de  son  pere.  S'il  n'eust  este  instruit,  et  qu'Abraham  n'eust  fait  son  devoir  de  lui  dire,