51:135  135  SERMONS  SUR  L'EPITRE  AUX  GALATES.  136  ceux  qui  s'eslevent  a  l'encontre,  et  dit,  Quant  au  reste,  que  nul  ne  me  fasche  plus,  car  ie  porte  les  fletrisseures  de  Iesus  Christ  en  mon  corps.  Quand  il  parle  des  fletrisseures  de  Iesus  Christ,  ii  les  oppose  a  toutes  les  armoiries  des  Princes,  a  tous  leurs  diademes  et  leurs  sceptres,  et  a  toutes  les  enseignes  qu'ils  ont  pour  se  faire  valoir,  et  pour  acquerir  quelque  maieste  et  reverence  selon  le  monde.  Quand  un  Prince  voudra  tenir  ses  estats,  il  faudra  qu'il  soit  pare  en  telle  sorte,  qu'on  ne  I'ose  point  regarder  que  les  yeux  n'en  soyent  esblouis:  et  ils  font  cela  pour  ce  que  souvent^  ils  n'ont  point  de  quoy  se  faire  valoir,  et  faut  qu'ils  Pempruntent  d'ailleurs:  et  puis  voila,  comme  en  font  les  mondains  qui  s'adonnent  a  pompes  et  a  bravetez,  et  ont  ceci  et  cela  pour  acquerir  quelque  reputation.  Bref  le  monde  se  fera  tousiours  valoir  d'ailleurs  d'autant  qu'en  soy  ii  n'a  que  vanite.  Mais  sainct  Paul  monstre  que  les  fletrisseures  de  nostre  Seigneur  Iesus  Christ  valent  beaucoup  mieux,  et  sont  plus  precieuses,  et  ont  plus  de  maieste  en  elles  que  n'ont  pas  toutes  les  choses  dont  le  monde  est  ravi  comme  on  le  void.  Mais  cependant  il  nous  faut  regarder  ce  qu'il  a  entendu  par  les  fletrisseures.  Ii  a  monstre  par  ci  devant  quand  il  disoit  qu'il  avoit  este  fouette  plusieurs  fois,  qu'il  avoit  este  lapide  en  un  lieu,  mis  en  prison  en  l'autre,  qu'il  avoit  eu  faim  et  soif:  bref,  qu'il  avoit  este  reiette  comme  execrable.  Il  est  vray  que  telles  ignominies  selon  le  monde  sont  a  fuir.  Or  sainct  Paul  dit  qu'elles  valent  beaucoup  mieux  que  tous  les  honneurs  et  pompes  qu'on  scauroit  faire,  et  qu'il  porte  ces  fletrisseures  la  a  fin  qu'on  ne  l'empesche  pas  qu'il  n'aille  son  train,  et  qu'il  ne  s'acquitte  de  son  devoir.  Nous  voyons  donc  maintenant  l'intention  de  sainct  Paul,  c'est  qu'en  premier  lieu  nous  tenions  cest  ordre  si  nous  sommes  Chrestiens,  si  nous  sommes  la  vraye  Eglise  de  Dieu,  que  nous  soyons  unis  ensemble.  Et  comment  cela?  Non  pas  chacun  selon  sa  fantasie,  comme  nous  en  voyons  qui  ont  l'esprit  de  travers,  et  il  leur  est  impossible  de  se  conformer  aux  autres  :  mais  il  faudra  qu'ils  tiennent  leur  reng  a  part,  comme  des  mauvais  chevaux,  et  il  seroit  a  desirer  qu'il  y  eust  des  moineries  et  des  cloistres  pour  telles  gens,  quand  ils  ne  se  veulent  nullement  unir  a  l'ordre  de  l'Eglise.  Quand  donc  ils  se  separent  ainsi  par  leur  orgueil  de  la  compagnie  des  fideles,  il  en  faudroit  faire  des  moines  du  diable.  Mais  quoy  qu'il  en  soit,  on  void  pourquoy  ils  sont  ainsi  cachez,  que  le