27:135  135  SERMON  LXXIX.  136  possesion  de  ses  biens,  il  nous  reforme  quant  et  quant  par  son  sainct  Esprit.  Mais  tant  y  a  que  ce  que  nous  pouvons  faire,  encores  que  Dieu  nous  gouverne,  et  que  nous  ayons  bonne  affection  de  le  servir,  cela  ne  sera  rien  qui  vaille,  s'il  est  estime  en  soy:  mais  au  regard  de  Iesus  Christ,  nous  serons  acceptez  de  Dieu,  et  nos  oeuvres  quant  et  quant,  et  l'heritage  nous  demeurera  ferme  et  asseure:  car  nous  ne  devons  point  craindre  d'y  parvenir.  Ce  n'est  point  a,  cause  de  nous  qu'il  nous  est  donne:  mais  d'autant  que  nous  participons  a  nostre  Seigneur  Iesus  Christ,  et  que  nous  acceptons  la  grace  qu'il  nous  a  acquise,  tellement  que  nous  sommes  reconciliez  a  Dieu  par  sa  mort  et  passion,  en  vertu  de  laquelle  Dieu  nous  est  propice,  et  sommes  asseurez  de  la  remission  de  nos  pechez,  que  nous  sommes  lavez  et  nettoyez  de  nos  macules  :  combien  qu'il  y  ait  des  vices  et  imperfections  en  nous,  qui  seroyent  pour  nous  rendre  coulpables  devant  Dieu,  que  toutesfois  nous  sommes  iustifiez,  et  luy  sommes  agreables,  quand  il  nous  a  renouvellez  par  son  sainct  Esprit.  Si  donc  nous  y  procedons  ainsi,  ne  doutons  point  que  ceste  promesse  ne  demeure  ferme,  et  que  nous  n'en  sentions  l'effect,  et  la  vertu  a  nostre  salut:  mais  cependant  ne  nous  glorifions  point  en  nous,  d'autant  qu'il  n'y  a  nulle  matiere,  ni  occasion.  LE  SIXIESME  SERMON  SUR  LE  CHAP.  XL  Y.  26.32.  DU  VENDREDI  27E  DE  SEPTEMBRE  1555.  La  protestation  que  fait  ici  Moyse,  est  pour  monstrer  que  les  hommes  sont  cause  de  tous  leurs  maux,  qu'il  ne  faut  point  qu'ils  en  cerchent  ailleurs  la  coulpe.  Et  au  reste,  quand  Dieu  nous  declaire  sa  volonte,  que  le  chemin  de  salut  nous  est  monstre,  et  qu'il  ne  tiendra  qu'a  nous  que  nostre  vie  ne  soit  heureuse  en  tout  et  par  tout.  Voila  donc  l'intention  de  Moyse:  c'est  que  Dieu  fait  une  singuliere  grace  aux  hommes,  quand  il  luy  plaist  les  enseigner  par  sa  parolle.  Car  quand  ils  ont  tesmoignage  de  sa  volonte,  c'est  autant  comme  s'il  leur  avoit  monstre  comment  ils  pourront  parvenir  a  salut,  et  que  durant  ceste  vie  caduque  ils  prospereront:  mais  au  contraire,  ils  sont  aussi  admonnestez,  que  s'ils  ne  font  leur  profit  de  la  doctrine  qu'on  leur  propose,  mal-heur  sur  eux,  et  qu'il  ne  faudra  point  puis  apres  qu'ils  se  plaignent  comme  s'il  avoit  tenu  a  Dieu:  car  ils  ont  eu  le  choix.  Quand  donc  nous  aurons  este  enseignez  en  la  parolle  de  Dieu,  que  nous  avons  cog-