21:135  135  THEODORI  BEZAE  136  Sic  est  annus  ille  exactus,  quem  alius  nihilo  mitior  excepit,  1)  iisdem  malis,  caritate  videlicet  ac  peste,  Sabaudiam  infestantibus,  et  pergente  vicissim  Calvino  domi  quidem  suos  confirmare,  foris  vero  ecclesiarum  hostes  fortiter  reprimere,  editis  praesertim  libris  quatuor  de  liberi  arbitrii  controversia,  quos  Philippo  Melanchthoni  dicavit,  adversus  Albertum  Pighium  Campensem,  sophistam  illius  aetatis  facile  principem,  a  quo  etiam  fuerat  pro  antagonista  delectus,  ex  quo  videlicet  reportata  insigni  victoria  galerum  mox  a  pontifice  consequeretur.  At  ille  hoc  suo  labore  frustratus  id  unum  adsequutus  est,  quod  merentur  veritatis  hostes,  nempe  ut  et  doctis  sanisque  hominibus  foeteret  et  ab  ipso  Satana  deciperetur.  Eos  autem  libros  quanti  faceret  testatus  est  suis  literis  Philippus,  quas  idcirco  etiam  edendas  putavimus,  ut  habeat  posteritas  certum  luculentumque  testimonium,  quod  adversus  utriusque  calumniatores  opponat.  Sed  et  ex  eiusdem  Calvini  literis  eodem  anno  ecclesiae  Monsbelgardensi  scriptis,  quid  sit  iis  respondendum  quivis  cognoscet,  qui  de  nimia  ipsius  severitate  in  exercendis  ecclesiasticae  politiae  legibus  queruntur.  Sequutus  est  annus  supra  sesquimillesimum  quadragesimus  quartus,  in  quo  Calvinus  de  Neocomensium  in  ecclesiasticis  censuris  instituto  suam  sententiam  aperuit.  Domi  vero  Sebastianus  ille  Castellio,  cuius  antea  levitatem  notavimus,  ut  erat  quadam  TaitHvopQocvvyc  specie  ineptissime  ambitiosus,  ac  plane  ex  eorum  genere  quos  Graeci  idioyvuofjiovac  appellant,  indignatus  quod  suas  ineptias  in  Gallica  Novi  Testamenti  versione  Calvino  non  probasset,  eousque  efferbuit  ut  exotica  quaedam  docere  non  contentus  palam  etiam  Canticum  Solomonis,  tanquam  impuram  et  obscoenam  cantionem,  ex  canone  expungi  iuberet  et  repugnantes  ministros  atrocissimis  conviciis  proscinderet.  Id  illi  vero  sibi  non  ferendum  merito  rati  hominem  ad  senatum  vocant:  ubi  pridie  Calend.  Iunii  patientissime  auditus,  cognitaque  causa  calumniae  damnatus,  ex  urbe  excedere  iussus  est.  Inde  Basileam  quum  venisset  tandem  ibi  admissus  qualem  se  praestiterit  alibi  a  nobis  dicetur.  Caeterum  anno  superiore  quum  Carolus  quintus  adversus  Gallum  totis  viribus  movens  Germanis  sic  cavisset,  ut  tantisper,  dum  concilium  universale  cogeretur  quod  sese  curaturum  promittebat,  neutri  partium  praeiudicio  facto,  inter  quas  de  religione  disceptabatur,  utrinque  pari  inter  se  iure  uterentur:  plurimum  ea  re  commotus  pontifex  Romanus  Paulus  III.  gravissimam  in  ipsum  Caesarem  expostulationem  edidit,  quod  catholicis  haereticos  scilicet  exaequasset  et  in  alienam  messem  iniecisse  falcem  videretur.  Respondit  Caesar,  quod  aequum  censuit.  1)  MDXLIII.