9:134  a  dire  que  tous  deux  n'eussent  este  brebis  esgarees,  et  mesmes  que  sainct  Paul  n'eust  este  comme  un  loup  ravissant.  Ie  touche  ces  choses  en  un  mot,  pour  monstrer  que  ce  vilain  ebt  autant  digne  de  response  que  le  cri  d'un  asne.  Encore  se  desbordeil  plus  avant,  voulant  faire  accroire  que  ie  tien  et  enseigne,  Que  l'homme,  apres  estre  regenere,  ne  peut  offenser  Dieu.  Or  on  sait  que  tous  mes  livres  sont  pleins  de  la  doctrine  contraire,  mesme  que  i'ay  debatu  ceste  querelle  par  livre  expres  contre  les  Libertins.  Pour  le  moins,  on  trouvera  trois  cens  passages  en  mes  livres,  ou  ie  reprouve  cest  erreur:  tellement  que  les  Papistes  sont  convaincus  que  la  verite  de  cest  article  a  tres-bien  este  esclaircie  par  moy.  Et  ce  vilain  gueux  de  l'hostiere,  en  routtant  le  vin  qu'il  a  beu,  cuide  persuader  que  vessies  sont  nuees.  Combien  possible  qu'il  a  dit  ce  qu'il  pensoit,  ne  sachant  rien  de  ce  que  ie  di,  sinon  comme  un  bon  pillier  de  taverne.  ll  se  monstre  aussi  subtil  docteur  en  son  dernier  article,  ou  il  dit  que  ie  preten  abbatre  le  sainct  Sacrement  de  l'Eucharistie.  Et  en  premier  lieu,  il  m'accorde  que  ie  confesse  maugre  moy  que  Dieu  n'est  pas  hors  de  ses  Sacremens.  Ie  vous  prie  quel  langage  est-ce  la?  Puis  il  me  reproche  que  d'autres  fois  ie  di  que  ce  n'est  qu'un  signe.  Or  quant  au  second  poinct,  ou  gist  la  question,  tout  le  contraire  se  voit  par  mes  livres,  qui  sont  pleins  de  ceste  doctrine,  que  iamais  les  signes  ordonnez  de  Iesus  Christ  ne  sont  sans  leur  verite,  substance,  vertu  et  effect.  Voyla  a  quelles  enseignes  il  me  fait  vacillant  et  inconstant.  Il  vient  puis  a  la  Messe:  et  pour  la  bien  maintenir,  allegue  ce  que  Iesus  Christ  dit  a  ses  disciples:  Prenez,  mangez:  cela  est  mon  corps.  Voire  comme  si  la  Messe  estoit  approuvee  par  ce  qui  est  escrit  de  la  Cene,  veu  qu'il  y  a  autant  de  convenance  qu'entre  le  feu  et  l'eau.  Nous  ne  sommes  pas  sur  ce  different,  messire  Antoine,  si  Iesus  Christ  communique  son  corps  et  son  sang  aux  fideles  en  la  Cene  qu'il  a  instituee;  mais  s'il  y  doit  avoir  un  sacrifice  auquel  UD  homme  mortel  offre  a  Dieu  au  lieu  de  recevoir,  comme  les  mots  le  portent,  et  auquel  un  seul  mange  et  boyve  ce  qui  doit  estre  commun  a  toute  l'Eglise  :  si  la  consecration  est  un  charme  pour  faire  changer  le  pain  de  nature,  en  soufflant  et  murmurant  dessus:  si  un  tel  acte  doit  estre  fait  pour  la  redemption  des  ames  ;  si  l'usage  en  parvient  iusques  aux  trespassez,  et  une  infinite  de  tels  erreurs  execrables.  Mais  ce  maraut  n'y  regarde  pas  si  profond:  et  cependant,  pour  gagner  son  proces  en  iniuriant,  il  dit  que  ie  ne  croy  pas  que  Iesus  Christ  ait  este  fait  homme:  comme  s'il  avoit  monstre  en  quoy  ie  suis  incredule.  Mais  Dieu  merci,  tout  le  monde  cognoist  en  quelle  reverence  i'ay  l'Escriture  saincte.  Mais  a  fin  d'esblouir  les  yeux  cles  aveugles,  il  demande:  Qui  croira  9*