8:134  troubles  en  ceste  Eglise.  Quelque  belle  couleur  qu'ils  sachent  prendre,  que  vous  ne  soyez  point  transportez  faussement,  que  vous  ne  soyez  point  inconstans  et  vollages  [page  103],  pour  dire:  Ie  ne  say  auquel  ie  me  doy  tenir.  Que  quand  il  viendra  quelqu'un  qui  ne  face  que  souffler  dans  l'oreille,  que  vous  ne  soyez  esgarez.  Gardezvous  bien  d'estre  demenez  d'une  telle  legerete  et  inconstance;  mais  pour  quelque  chose  qu'on  vous  puisse  amener,  que  ne  soyez  divertis  de  la  purete  et  simplicite  de  la  parole  de  Dieu;  que  vous  soyez  entierement  resolus  en  ceste  doctrine  qui  vous  a  este  proposee  maintenant:  comme  aussi  elle  est  la  verite  infallible  de  Dieu.  Et  quant  a  moy,  ie  proteste  que  iy  consens  et  accorde.  Et  prie  le  Seigneur  qu'il  me  face  la  grace  d'y  perseverer  iusques  a  la  fin  et  d'y  mourir.  M.  IEAN  DE  SAINCT  ANDRE≫  II  ne  nous  faut  point  esbahir  si  ceste  doctrine  est  assaillie.  Satan  (comme  nous  le  savons)  qui  est  ennemi  de  nostre  salut,  nous  assaut  de  la  part  qu'il  sait  estre  nostre  plus  grand'  forteresse.  Pour  ceste  cause  advisons  bien  de  retenir  ceste  doctrine,  et  nous  arrester  a  la  simplicite  d'icelle,  [page  104]  Car  tant  plus  qu'elle  sera  assaillie,  tant  plus  elle  nous  est  necessaire  a  salut.  L'Escriture  saincte  nous  enseigne  de  ne  point  passer  plus  outre  que  ce  qui  nous  est  necessaire  de  savoir  pour  trouver  la  cause  de  la  ruine  de  l'homme.  Or  tous  sont  perdus  en  Adam,  et  de  ceste  condamnation  universelle  et  generale,  il  a  pleu  a  Dieu  par  sa  misericorde  de  retirer  ceux  qu'il  luy  a  pleu.  Et  ceux  qui  sont  en  telle  condamnation,  ne  peuvent  sinon  mal  faire,  et  ce  qu'ils  font  mal  ne  doit  point  estre  impute  a  Dieu  :  car  Dieu  ne  les  contraint  point  de  mal  faire,  mais  cela  doit  estre  impute  a  ceste  corruption  natur  elle,  et  puis  que  ceste  nature  corrompue  est  adonnee  a  mal,  elle  ne  peut  faire  sinon  tout  mal.  Une  mesme  chose  sera  bonne  et  mauvaise:  bonne  en  Dieu,  et  mauvaise  en  l'homme  :  car  la  fin  que  Dieu  pretend  est  bonne,  et  la  fin  de  l'homme  est  mauvaise.  Quand  nous  attribuons  toute  puissance,  toute  authorite  et  superiorite  a  nostre  Dieu,  il  faut  aussi  que  nous  luy  attribuons  un  conseil  par  lequel  il  a  delibere  de  tout  temps  de  [page  105]  ce  qu'il  doit  faire  de  toutes  ses  creatures.  Et  en  ce  secret-la,  il  ne  nous  est  pas  licite  ny  aussi  possible  d'entrer.  Mais  il  nous  faut  contenter  de  ce  qu'il  nous  en  fait  cognoistre  en  general,  c'est  assavoir,  qu'il  est  en  tout  et  par  tout  iuste  et  equitable,  et  qu'il  n'excede  point  mesure  en  tout  ce  qu'il  fait.  Quant  a  ceux  qui  veulent  maintenir  la  iustice  de  Dieu,  et  pour  la  maintenir  sont  contraires  a  sa  doctrine,  il  est  certain  qu'ils  obscurcissent  et  renversent  toute  la  verite  de  Dieu.  Car  nous  devons  considerer